చట్టంలో లేకపోయినా పెళ్లయ్యాక ఫాలో అవాల్సిందే!

Virender Sehwag Captions On His Photo With Wife - Sakshi

భర్తను భార్య ఊరికే క్షమించదు అంటున్నారు టీమిండియా మాజీ డాషింగ్‌ ఓపెనర్‌ వీరేంద్ర సెహ్వాగ్‌. అదేంటి, అన్యోన్యంగా ఉండే వీరేంద్ర సెహ్వాగ్‌ దంపతుల మధ్య ఏదైనా గొడవ జరిగిందా..? అని కంగారు పడిపోకండి. అసలు విషయమేంటో తెలిస్తే మీరు నవ్వుకోక మానరు. ముఖ్యంగా అబ్బాయిలు. అందులోనూ భర్తలైతే వారి నిజ జీవితానికి అన్వయించుకోకుండా ఉండలేరు. ఇంతకీ వీరేంద్ర సెహ్వాగ్‌ ఏం చేశాడంటే.. బుధవారం తన భార్యతో కలిసి ఉన్న ఫొటోను తన ఇన్‌స్టాగ్రామ్‌లో పోస్ట్‌ చేశారు. దానికి ‘మంచి భార్య ఎప్పుడూ భర్త తప్పుల్ని క్షమిస్తుంది. అది కూడా కేవలం తను తప్పు చేసి తప్పించుకోలేని సందర్భాల్లోనే’ అంటూ క్యాప్షన్‌ జత చేశారు.

ఇది పోస్ట్‌ చేసిన కొన్ని నిమిషాల వ్యవధిలోనే 30 వేలకు పైగా లైకులు వచ్చాయి. అతను చమత్కారంగా పెట్టిన క్యాప్షన్‌కు నెటిజన్లు ఫన్నీ కామెంట్లు చేస్తున్నారు. ‘ఎక్కడా రాసి లేకపోయినా, పెళ్లి తర్వాత గుడ్డిగా ఫాలో అవాల్సిన చట్టం..’అంటూ సరదా కామెంట్లు చేస్తున్నారు. ఒక నెటిజన్‌ అయితే ఓ అడుగు ముందుకేసి ‘క్యాప్షన్‌ ఆఫ్‌ ది ఇయర్‌’ అవార్డు కూడా ఇచ్చేశాడు. భర్తలపై జోకులు వేయడం వీరూకు కొత్తేం కాదు. గతంలోనూ చాలాసార్లు భర్తలపై జోకులు పేల్చిన విషయం తెలిసిందే.
 

Read latest Sports News and Telugu News | Follow us on FaceBook, Twitter, Telegram

Tags: 



 

Read also in:
Back to Top