మేమిద్దరం కలిసి ఆడితే...
సమకాలీన టెన్నిస్లో వారిద్దరు సూపర్ స్టార్లు...ఇద్దరి ఖాతాలో కలిపి 35 సింగిల్స్ గ్రాండ్స్లామ్ టైటిల్స్ ఉన్నాయి. కోర్టులో చిరకాల ప్రత్యర్థులుగా తలపడి వీరిద్దరు అందించిన అద్భుతమైన మ్యాచ్లు ఎన్నో. అలాంటిది ఈ ఇద్దరు దిగ్గజాలు కలిసి జంటగా డబుల్స్ ఆడితే! ప్రపంచమంతటికీ కన్నుల పండుగలా ఉంటుంది. ఆ దృశ్యమే శనివారం సాక్షాత్కరించింది. లేవర్ కప్లో భాగంగా ప్రేగ్లో జరిగిన మ్యాచ్లో రోజర్ ఫెడరర్, రఫెల్ నాదల్ కలిపి జోడీగా బరిలోకి దిగారు.
పరస్పర అభినందనలు, ప్రోత్సాహం, ఉత్సాహం, ఉద్వేగాలతో ఈ మ్యాచ్ జోరుగా సాగింది. మైదానంలోని 20 వేల ప్రేక్షకులతో పాటు విశ్వవ్యాప్తంగా పెద్ద సంఖ్యలో ఫ్యాన్స్ అంతా ఈ అరుదైన మ్యాచ్ను కన్నార్పకుండా చూశారు. రఫా–బుల్ జోడి ఈ మ్యాచ్లో 6–4, 1–6, 10–5తో స్యామ్ క్వీరీ–జాక్ సాక్ను ఓడించింది.
సంబంధిత వార్తలు