మాది లెఫ్టూ కాదు.. రైటూ కాదు..!

Twitter Generation .. Who Does Not Listen! - Sakshi

రాబోయే సార్వత్రిక ఎన్నికల్లో పట్టణ యువత పాత్ర కీలకం కానుంది. సిద్ధాంత రాద్ధాంతాలతో సంబంధం లేకుండా, సమాజంలోని విభిన్న అంశాలపై సామాజిక మాధ్యమాల్లో తమ వైఖరిని కుండబద్దలు కొట్టినట్టు చెబుతోన్న అర్బన్‌ యూత్‌ రేపటి ఎన్నికల్లో ఇటు లెఫ్టో, అటు రైటో కాకుండా మధ్యేమార్గాన్ని అనుసరిస్తామనీ తేల్చి చెబుతోంది. గుడ్డిగా ఏ రాజకీయ పార్టీల వెంటా పరుగులు తీయకుండా తమదైన రీతిలో ఆయా అంశాలను బట్టి్ట స్పందిస్తామని అంటోంది. రాజకీయాంశాలపైనా, సామాజిక విషయాలపైనా స్పష్టమైన అవగాహనను వ్యక్తీకరిస్తూ తమ ట్విటర్‌ అకౌంట్లలో లక్షల సంఖ్యలో ఫాలోయర్స్‌ని సంపాదించుకున్న యువతరం 2019 సార్వత్రిక ఎన్నికల్లో మోదీ, రాహుల్‌ భవితవ్యాన్ని నిర్ణయిస్తారనే వార్తలు రాజకీయ నిపుణుల్లో చర్చనీయాంశమయ్యాయి.

నిక్కచ్చిగా ఉంటారు..
ప్రధానంగా పట్టణప్రాంతాల్లోని యువత లెఫ్టూ రైటూ కాకుండా భిన్నమైన మార్గాన్ని అనుసరించాలని భావిస్తున్నట్టు సెంట్రిస్ట్‌ పారాడాక్స్‌ సిద్ధాంత రచయిత, రాజకీయ నిపుణులు డేవిడ్‌ అడ్లర్‌ అభిప్రాయపడ్డారు. విద్యావంతులైన పట్టణ ప్రాంత యువతరం దేశాన్ని బాగుచేయాలని ఆకాంక్షిస్తూ, తమవంతు అభిప్రాయాలను నిక్కచ్చిగా చెప్పడం ఇప్పుడు వస్తున్న పెద్ద మార్పు అని డేవిడ్‌ అంటున్నారు. 

రెండు పార్టీలదీ ఒకేదారి...
’’ నెహ్రూతో సోషలిస్టు శకం ప్రారంభమైతే ఇందిరాగాంధీతో అది ఉన్నత స్థాయికి చేరింది. అప్పుడు బీజేపీ ప్రముఖులు ప్రస్తుతించారు. అయితే కాంగ్రెస్‌కే చెందిన పీవీ నరసింహరావు సరళీకరణ ఆర్థిక విధానాలకు శ్రీకారం చుట్టారు. అప్పుడు బీజేపీ దాన్ని తీవ్రంగా ఎండగట్టింది. కానీ ఇప్పుడు రెండు పార్టీలూ అదే విధానాన్ని అనుసరిస్తూ  పార్టీకి భారీగా విరాళాలిచ్చే వారికోసం పనిచేస్తున్నాయి అని ఢిల్లీకి చెందిన 35 ఏళ్ళ సిద్ధార్థ భాస్కర్‌ అభిప్రాయపడ్డారు.  ఆర్థికాంశాల్లో ఇటు బీజేపీకీ, అటు కాంగ్రెస్‌కీ పెద్ద తేడాలేదనీ, ఎందుకంటే ఈ రెండూ కూడా బడాపారిశ్రామిక వేత్తలవైపే మొగ్గుచూపుతున్నాయనీ నవయువతరం అభిప్రాయపడుతోంది. కనుక వివిధ అంశాలను బట్టి మాత్రమే తమ మద్దతు ఉంటుంది తప్ప అన్నింటికీ ఒకేరకమైన స్పందనకి ఆస్కారంలేదని యువభారతం స్పష్టం చేస్తోంది. 

క్లిష్ట సమయమే....
గత సార్వత్రిక ఎన్నికల్లో 18–35 ఏళ్ల మధ్య వయస్కులైన దాదాపు 30 కోట్ల మందిలో మూడోవంతు మంది బీజేపీకి ఓటు వేసినట్టు 2014 నేషనల్‌ ఎలక్షన్‌ స్టడీ పోస్ట్‌ పోల్‌ సర్వే వెల్లడించింది. ఐదేళ్ళ క్రితంలా కాకుండా 2019 ఎన్నికల్లో సిద్ధాంతాలతో సంబంధంలేని యువతరం పరిస్థితి భిన్నంగా ఉండబోతోందని స్పష్టం అవుతోంది.

అత్తెసరు మెజారిటీ ఉండాలి...
ఢిల్లీకి చెందిన 28 ఏళ్ల వరుణ్‌ సూద్‌ తాను కాంగ్రెస్‌ అధికారంలోకి రావాలని కోరుకోవడం లేదనీ, బీజేపీ అధికారంలో కొనసాగాలని భావిస్తున్నాననీ, అయితే ఆ పార్టీ సంఖ్యాబలం మరీ ఎక్కువగా ఉండకూడదని, పాలక, ప్రతిపక్షాల మధ్య తేడా ఎక్కువగా ఉండకూడదని చెప్పారు. అంతేకాదు ఇప్పుడు బీజేపీ అనుసరిస్తోన్న విధానాల్లో చాలా మార్పులు అనివార్యమనేది వరుణ్‌ మాట.

మత రాజకీయం వద్దు...గుడ్డిగా ఏదో ఓ పార్టీని సమర్థించకుండా, అంశాలను బట్టే తమ మద్దతు ఉంటుందని యువత తేల్చి చెపుతోంది. అయితే ఇంటర్‌నెట్‌ విరివిగా వాడే యువ ఓటర్లపై ఈ వైఖరి ప్రభావం ఎక్కువగా ఉంది. ట్విట్టర్‌లో గబ్బర్‌సింగ్‌గా పిలుచుకునే బిహార్, మధ్యప్రదేశ్‌లలో పెరిగిన అభిషేక్‌ ఆస్థానాకి 12 లక్షల  మంది ట్విట్టర్‌ ఫాలోయర్స్‌ ఉన్నారు. మతం పేరుతో ప్రజలను చీల్చే యోగి ఆదిత్యనాథ్‌ లాంటి నేతలను ప్రోత్సహిస్తోన్న మోదీ ప్రభుత్వాన్ని తాను వ్యతిరేకిస్తాననీ, అయితే బుల్లెట్‌ ట్రైన్,  హైవేల నిర్మాణం వంటి వాటిని సమర్థిస్తానని అంటారీయన.

అంశాలే ప్రాతిపదిక...
యువత సంప్రదాయవాదం వైపు మొగ్గు చూపుతారా? లేక ఉదారవాదాన్ని సమర్థిస్తారా అన్న ప్రశ్నకు ఈ రెండూ కాకుండా, మధ్యేమార్గం వైపు యువతరం అడుగులు వేస్తున్నట్టు తాజా అధ్యయనాలు వెల్లడిస్తున్నాయి. సిద్ధాం తాలకు పూర్తిగా కట్టుబడిపోకుండా ఇప్పటి యువత ప్రతి అంశంలో తమదైన సొంత వైఖరి అవలంభిస్తున్నారు. హరియాణాకి చెందిన 24 ఏళ్ల యువకుడు ధృవ్‌ రాఠీ తాను అనుసరిస్తోన్న మధ్యేమార్గాన్ని చాలామంది అంగీకరిస్తారని భావిస్తున్నారు. «ధృవ్‌ రాఠీ కి ట్విట్టర్‌లో 1.6 లక్షల మంది ఫాలోవర్స్, యూట్యూబ్‌లో 1.5 లక్షల మంది సబ్‌స్క్రైబర్స్‌ ఉన్నారు. తాను సెంట్రిస్ట్‌గా ప్రకటించుకొంటోన్న ధృవ్‌రాఠీ  ‘నేను వామపక్షరాజకీయాల్లో కానీ హిందూత్వ రాజకీయాల్లో కానీ లేను’ అని చెప్పారు. 
 

నోట్ల రద్దు నుంచి కశ్మీర్‌ వరకు...
డీమానిటైజేషన్‌ విఫలయత్నంగా యువత భావిస్తోంది. ప్రారంభంలో కొన్ని అవాంతరాలెదురైనా జీఎస్‌టీ కీలకమైన ప్రయత్నమని వారు అభిప్రాయపడుతున్నారు. అలాగే, రోహింగ్యాల సమస్య తీవ్రమైనదని, సమస్య పరిష్కారానికి మనవంతు సాయం చేయాలనీ కోరుకుంటూనే ఇప్పటికే ఉన్న కోట్లాదిమంది సంక్షేమాన్ని గురించి ఆలోచించాల్సి ఉంది కనుక దేశం రోహింగ్యాల బాధ్యతను తీసుకోలేదనీ వీరంతా అభిప్రాయపడుతున్నారు. అలాగే కశ్మీర్‌ విషయంలోనూ చర్చల ద్వారా సమస్యని పరిష్కరించుకోవచ్చని అంటున్నారు. 

రిజర్వేషన్లకు ఓకే కానీ....
అణగారిన వర్గాలకు కొన్ని షరతులతో కూడిన రిజర్వేషన్లను చాలా వరకు యువతరం అంగీకరిస్తోంది. అయితే ఆర్థిక ప్రాతిపదికన కోటా ఇవ్వాలని వారు కోరుతున్నారు. ఇదే నేపథ్యంలో బీజేపీ ఆర్థికంగా వెనుకబడిన వర్గాలకోసం 10 శాతం రిజర్వేషన్లను ప్రవేశపెట్టింది. అయితే రాజకీయాల్లో మహిళల భాగస్వామ్యం పెరగాలనీ, అందుకే మహిళా రిజర్వేషన్‌ బిల్లుని తాము కోరుకుంటున్నామనీ యువతులు స్పష్టం చేస్తున్నారు. నిజానికి సోషల్‌ మీడియాలో చురుకుగా ఉన్న ఈ పట్టణ యువత హిందూత్వం వైపు మొగ్గుచూపుతారనే భావన చాలా మందిలో ఉంది. అయితే యువ మధ్యేవాదులంతా విభిన్నంగా ఉన్నారు. ఇంటర్‌నెట్, విద్య, అంతర్జాతీయ అంశాలెన్నో వారిని ప్రభావితం చేస్తున్నాయి. దీంతో 2019 ఎన్నికల్లో వీరు ఎవరికి ఓటు వేస్తారనేది చెప్పలేని పరిస్థితి ఉంది.  

మరిన్ని వార్తలు

22-05-2019
May 22, 2019, 10:26 IST
సాక్షి, నెల్లూరు: ఎప్పుడెప్పుడా అని ఎదురుచూస్తున్న ఓట్ల లెక్కింపు సమయం వచ్చేస్తోంది. మరో 24 గంటల్లో లెక్కింపు ప్రారంభం కానుంది....
22-05-2019
May 22, 2019, 10:21 IST
సాక్షిప్రతినిధి, కరీంనగర్‌: కరీంనగర్‌ పార్లమెంటు ఎన్నికల ఓట్ల లెక్కింపు ప్రక్రియ పకడ్భందీగా సాగాలని జిల్లా ఎన్నికల అధికారి సర్ఫరాజ్‌ అహ్మద్‌...
22-05-2019
May 22, 2019, 10:12 IST
సాక్షి ప్రతినిధి, కరీంనగర్‌: నలభై రోజులకు పైగా ఎదురుచూసిన లోక్‌సభ ఎన్నికల ఓట్ల లెక్కింపు మరో 24 గంటల్లో ప్రారంభం...
22-05-2019
May 22, 2019, 10:09 IST
సాక్షి, నెల్లూరు: సార్వత్రిక ఎన్నికల ఫలితాలు వెలువడే సమయం దగ్గరపడుతున్న కొద్దీ అందరిలో పొలిటికల్‌ ఫీవర్‌ తారస్థాయికి చేరుకుంది. గత...
22-05-2019
May 22, 2019, 10:03 IST
సాక్షి, చీమకుర్తి : రాష్ట్రంలోని పీడీఎఫ్‌ ఖాతాల్లో రూ.54 వేల కోట్లు శుభ్రంగా డ్రా చేసుకున్నారు. పట్టిసీమ పేరుతో రూ.1800...
22-05-2019
May 22, 2019, 09:33 IST
ఈ యాప్‌ని ఒకసారి డౌన్‌లోడ్‌ చేసుకుంటే చాలు ఓట్ల లెక్కింపులో ప్రతి రౌండ్‌కు సంబంధించిన అధికారిక వివరాలు మీ మొబైల్‌లోకి...
22-05-2019
May 22, 2019, 09:16 IST
సాక్షి, ఆదిలాబాద్‌: ఆదిలాబాద్, పెద్దపల్లి లోక్‌సభ ఎంపీలు ఎవరో మరికొన్ని గంటల్లో తేలిపోనుంది. ఎన్నికలు జరిగిన 42 రోజుల తర్వాత...
22-05-2019
May 22, 2019, 08:39 IST
పట్నా : కౌంటింగ్‌ రోజున అధికార పార్టీ అవకతవకలకు పాల్పడితే.. జనాలు ఊరుకోరు.. రక్తపాతం సృష్టిస్తారని హెచ్చరిస్తున్నారు రాష్ట్రీయ లోక్‌...
22-05-2019
May 22, 2019, 08:23 IST
పాలమూరు: మహబూబ్‌నగర్‌ పార్లమెంట్‌ స్థానం నుంచి 17వ లోక్‌సభకు తమ ప్రతినిధిగా ఎవరిని పంపాలనే నిర్ణయాన్ని ప్రజలు ఓటు రూపంలో...
22-05-2019
May 22, 2019, 08:22 IST
సాక్షి, రంగారెడ్డి జిల్లా: ఉత్కంఠ రేపుతున్న చేవెళ్ల లోక్‌సభ నియోజకవర్గ ఓట్ల లెక్కింపునకు  యంత్రాంగం ఏర్పాట్లు పూర్తిచేసింది. కౌంటింగ్‌కు ఒక్క...
22-05-2019
May 22, 2019, 07:54 IST
సాక్షిప్రతినిధి, ఖమ్మం: ఖమ్మం పార్లమెంట్‌ ఎన్నికల కౌంటింగ్‌ను ఈ నెల 23వ తేదీన పకడ్బందీగా చేపట్టనున్నట్లు ఖమ్మం పార్లమెంటరీ రిటర్నింగ్‌...
22-05-2019
May 22, 2019, 07:13 IST
నర్సీపట్నం: ‘ప్రజల నాడి లగడపాటికి ఏమి తెలుసు.. ఆయన సర్వే వల్ల వేలాది కుటుంబాలు వీధిన పడ్డాయని’ రాష్ట్ర రోడ్లు...
22-05-2019
May 22, 2019, 06:51 IST
గుత్తికొండ (పిడుగురాళ్ల రూరల్‌): తన పెళ్లి చిరకాలం గుర్తుండిపోవాలని భావించిన ఓ యువకుడు ఈ నెల 23న ఎన్నికల ఫలితాలు...
22-05-2019
May 22, 2019, 03:35 IST
ఓట్ల లెక్కింపునకు సర్వం సిద్ధమైంది. గురువారం ఓట్ల లెక్కింపు జరగనుంది.
22-05-2019
May 22, 2019, 01:34 IST
న్యూఢిల్లీ: లోక్‌సభ ఎన్నికల్లో ఉపయోగించిన ఈవీఎంలపై వచ్చే ఫిర్యాదులపై స్పందించేందుకు 24 గంటలపాటు పనిచేసే కంట్రోల్‌రూమ్‌ను ఎన్నికల సంఘం (ఈసీ)...
22-05-2019
May 22, 2019, 01:20 IST
సాధారణ ఎన్నికల పోలింగ్‌ ముగిసింది..ఎగ్జిట్‌ పోల్స్‌ ఫలితాలూ వచ్చేశాయి..ఒకటీ రెండూ కాదు.. ఏకంగా 11 ఎగ్జిట్‌ పోల్స్‌..! బీజేపీ నేతృత్వంలోని...
21-05-2019
May 21, 2019, 19:11 IST
ఈవీఎంలకు మూడు సీళ్లు ఉంటాయి. ఏజెంట్ల సమక్షంలోనే..
21-05-2019
May 21, 2019, 19:08 IST
ఎన్డీయే మంత్రుల భేటీ..
21-05-2019
May 21, 2019, 19:02 IST
సాక్షి, అమరావతి: ఏపీ హైకోర్టులో టీడీపీకి చుక్కెదురైంది. వీవీప్యాట్ల ముందస్తు లెక్కింపుపై దాఖలైన పిటిషన్‌ను న్యాయస్థానం కొట్టేసింది. సార్వత్రిక ఎన్నికల...
21-05-2019
May 21, 2019, 18:48 IST
కాకినాడ: మాజీ ఎంపీ లగడపాటి రాజగోపాల్‌ ‘ జూలకటక’ అన్నట్లుగా తయారయ్యాడని అమలాపురం ఎంపీ పండుల రవీంద్ర బాబు ఎద్దేవా...
Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top