చరిత్ర సృష్టిద్దామనుకొని విఫలమయ్యా
హెరిటేజ్ ఫ్రెష్ మాది కాదు: లోకేష్
సాక్షి, అమరావతి: కొడుకును గెలిపించుకోలేకపోయారని ప్రతిపక్ష నేత చంద్రబాబుపై విమర్శలు చేస్తున్నారని మాజీ మంత్రి టీడీపీ నేత నారా లోకేష్ ఆవేదన వ్యక్తం చేశారు. బుధవారం ఆయన గుంటూరు జిల్లా మంగళగిరిలో మీడియాతో మాట్లాడారు. 1985 తర్వాత మంగళగిరిలో టీడీపీ గెలవలేదని చెప్పారు. చరిత్ర సృష్టిద్దామనుకొని అక్కడ పోటీ చేసి విఫలమయ్యానన్నారు. తన తండ్రి చంద్రబాబు పేరు చెప్పుకుని బతికేవాడిని కాదన్నారు.
హెరిటేజ్ ఫ్రెష్ తమది కాదన్నా వైఎస్సార్సీపీ నేతలు విమర్శిస్తున్నారని ఆరోపించారు. అమెరికాలో స్టాన్ఫర్డ్ యూనివర్సిటీలో చదివానని, తెలుగులో చిన్న చిన్న తప్పులను మాట్లాడి ఉండవచ్చని వాటిని పట్టుకుని ఆరోపణలు చేయడం సరికాదన్నారు.