హిజ్బుల్‌ మిలిటెంట్ల ఘాతుకం

శ్రీనగర్‌: ఆర్మీకి సమాచారం అందించాడని అపహరించిన యువకుడిని కిరాతకంగా చంపుతున్న వీడియోను హిజ్బుల్‌ ముజాహిదీన్‌ మిలిటెంట్లు విడుదల చేశారు. దక్షిణ కశ్మీర్‌ షోఫియాన్‌ జిల్లాలోని సాఫ్‌నగరి గ్రామానికి చెందిన నదీమ్‌ మంజూర్‌ను గురువారం ఉగ్రవాదులు అపహరించారు. అతని శరీరంలోకి ఉగ్రవాదులు విచ్చలవిడిగా బుల్లెట్లు దించిన వీడియో సామాజిక మాధ్యమాల్లో విస్తృతంగా వ్యాపించింది. మంజూర్‌ను హత్య చేయడాన్ని మిలిటెంట్లు సమర్థించుకున్నారు.