ఎమ్మెల్యేపై లైంగిక దాడి ఆరోపణలు..

CPM Terms Intervention Claims In MLA PK Sasi Sexual Harassment Case As Baseless - Sakshi

సాక్షి, న్యూఢిల్లీ : కేరళలో సీపీఎం ఎమ్మెల్యే పీకే శశిపై నమోదైన లైంగిక వేధింపుల కేసులో పార్టీ కేంద్ర కమిటీ జోక్యం చేసుకోలేదని ఆ పార్టీ వివరణ ఇచ్చింది. కేరళ పార్టీ రాష్ట్ర శాఖే ఈ ఉదంతాన్ని డీల్‌ చేస్తోందని సీపీఎం పొలిట్‌బ్యూరో పేర్కొంది. లైంగిక దాడి ఆరోపణలు ఎదుర్కొంటున్న పార్టీ ఎమ్మెల్యే విషయంలో కేంద్ర కమిటీ జోక్యం చేసుకుని ఆదేశాలు జారీ చేస్తోందన్న వార్తలు నిరాధారమని స్పష్టం చేసింది.

కేరళ పార్టీ కమిటీనే ఈ ఫిర్యాదుపైనా స్పందిస్తుందని, ఎమ్మెల్యే వ్యవహారంలో పార్టీ కేంద్ర కమిటీ జోక్యం చేసుకుంటోందన్న వార్తలు అవాస్తమని తోసిపుచ్చింది. కాగా తనను షోరాన్‌పూర్‌ సీపీఎం ఎమ్మెల్యే పీకే శశి లైంగికంగా వేధిస్తున్నాడని, శారీరకంగా లోబరుచుకోవాలని ప్రయత్నించాడని ఓ డీవైఎఫ్‌ఐ మహిళా నేత ఆరోపించారు. దీనిపై పార్టీ రాష్ట్ర కమిటీ సీపీఎం పొలిట్‌ బ్యూరో సభ్యురాలు బృందా కారత్‌కు , ప్రధాన కార్యదర్శి సీతారాం ఏచూరిలకు ఫిర్యాదు చేసింది.

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top