‘టిక్‌టాక్‌’తో మరో ప్రాణం బలి

A Boy Died With Making A TikTok Video In Bihar - Sakshi

టిక్‌టాక్‌.. ప్రస్తుతం ఈ పేరు తెలియని వారు లేరు. దేశంలో దీనికున్న క్రేజ్‌ అంతా ఇంతా కాదు. టిక్‌టాక్‌లో ఫేమస్‌ కావడానికి తమ ప్రాణాలను సైతం పణంగా పెట్టి  వీడియోలు చేస్తున్నారు. ఈ యాప్‌తో కొందరు తమ టాలెంట్‌ను నిరూపించుకొని సెలెబ్రీటిలుగా మారుతుంటే మరి కొందరు తమ జీవితాలను రిస్క్‌లోకి నెట్టి  ప్రాణాలను వదులుకున్న సందర్భాలు కోకొల్లలు. తమిళనాడుకు చెందిన విద్యార్థిని టిక్‌టాక్‌ చేస్తూ స్కూటిపై అతివేగంగా వెళ్తూ ముందుగా ఉన్న బస్సుకు ఢీకొని మరణించింది. గత ఏప్రిల్‌లో 19 ఏళ్ల బాలుడు సల్మాన్‌ జాకీర్‌ తన స్నేహితునితో టిక్‌టాక్‌ చేస్తూ అనుకోకుండా తుపాకీతో కాల్చిచంపాడు. తాజాగా ఇలాంటిదే మరో ఘటన వెలుగులోకి వచ్చింది.

మూడు రోజుల క్రితం బిహర్‌లోని అద్లావ్‌పూర్‌ గ్రామానికి చెందిన అఫ్జల్‌ తన స్నేహితులతో కలిసి టిక్‌టాక్‌ చేయడానికి స్థానిక నది వద్దకు వెళ్లాడు. అక్కడ టిక్‌టాక్‌ చేస్తూ  తన స్నేహితుడు నీళ్లలోకి దిగాడు. అతన్ని అనుకరిస్తు అఫ్జల్‌ కూడా నీటిలోకి దూకాడు. అయితే ఒక్కసారిగా నీటి ప్రవాహం పెరగడంతో అఫ్జల్‌ మాత్రం నీటి ప్రవాహంలో మునిగి మరణించాడు. అతన్ని మృతదేహాన్ని వెలికితీయడానికి ఎన్‌డీఆర్‌ఎఫ్‌ బృందాలకు మూడు రోజుల సమయం పట్టింది. కాగా ఆ బాలుడు చేసిన టిక్‌టాక్‌ వీడియో ఇప్పుడు వెలుగులోకి వచ్చింది.

Read latest National News and Telugu News | Follow us on FaceBook, Twitter

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top