రేటు పెంచిన ‘గద్దలకొండ గణేష్‌’

మెగా ప్రిన్స్ వరుణ్ తేజ్ కెరీర్ పరంగా దూసుకుపోతున్నాడు.  వైవిద్యభరితమైన కథలను ఎంచుకుంటూ వరస హిట్లతో యువహీరోలను దాటి సినియర్ల సరసన నిలిచిపోతున్నాడు. తనతో పాటు ఇండస్ట్రీకి వచ్చిన యువ హీరోల కెరీర్ ఒక హిట్టు రెండు ప్లాప్స్ అన్నట్టుగా వెళ్తుంటే వరుణ్ మాత్రం విభిన్న కథలను ఎంచుకుంటూ తన మార్కెట్ పెంచుకుంటూ పోతున్నాడు. తనకంటే ముందొచ్చిన యువ హీరోలను దాటి మీడియం రేంజ్ హీరో స్టేజ్ కు చేరుకున్న వరుణ్‌... టాప్ లీగ్ లోకి వెళ్లాలని ఆశపడుతున్నాడు. రీసెంట్‌గా రిలీజ్‌ అయిన ‘ గద్దల కొండ గణేష్‌’  సినిమా కూడా సూపర్‌ హిట్‌ కావడంతో వరణ్‌ మార్కెట్‌ బాగా పెరిగింది. 

గద్దలకొండ గణేష్ కు ముందు 3-4 కోట్ల రేంజ్ లో ఉన్న వరుణ్ పారితోషికం, ఆ సినిమా సాధించిన హిట్ తర్వాత 7-8 కోట్ల రేంజ్ కు చేరుకుందని టాక్‌.  'తొలిప్రేమ - ఎఫ్ 2 , గద్దగకొండ గణేష్‌' లాంటి బ్యాక్ టు బ్యాక్ హిట్స్ ఇవ్వడంతో వరుణ్ తో సినిమాలు చేయడానికి నిర్మాతలు క్యూ కడుతున్నారు. దీంతో వరుణ్ తన రెమ్యునరేషన్ ని 7 నుండి 8 కోట్లు డిమాండ్ చేస్తున్నాడట. వరుణ్ నుండి వస్తున్న  అన్ని సినిమాలు  లాభాలు తీసుకు రావడంతో నిర్మాతలు కూడా రెమ్యునరేషన్ ఎక్కువైనా వరుణ్ తో సినిమాలు చేయడానికి సిద్దపడుతున్నారు.

ప్రస్తుతం వరుణ్‌.. నూతన దర్శకుడు కిరణ్ కొర్రపాటి దర్శకత్వంలో ఓ సినిమా చేయబోతున్నాడు. బాక్సింగ్ నేపథ్యంలో ఈ సినిమా తెరకెక్కనుంది. కెరీర్‌లో తొలిసారిగా వరుణ్ ఈ సినిమాలో బాక్సర్‌గా కనిపించబోతున్నాడు. అవ్వడానికి కొత్త దర్శకుడైనా అన్ని కమర్షియల్ అంశాలను జోడించి ఈ చిత్రాన్ని తెరకెక్కించనున్నాడట. వరుణ్ ఇప్పటికే రెండు నెలల బాక్సింగ్ ట్రైనింగ్ కోసం ముంబై వెళ్ళాడు.