కెప్టెన్‌ లేకుండానే నడుస్తోంది!

ఇంట్లో పెద్దమనిషి లేకుండా ఉంటే చిన్న వ్యవహారమైనా పెద్ద గొడవకు దారి తీస్తుంది. అదే ఓ ఆటలో కెప్టెన్‌ అనేవాడు లేకుండా ఉంటే ఎలా ఉంటుందో ఊహించగలమా? అదే విధంగా బిగ్‌బాస్‌ అనే ఇంట్లో ఆడే ఆటలో కెప్టెన్‌ లేకుండా రెండు వారాలు గడుస్తోంది. మామూలుగా అయితే కెప్టెన్‌ పదవి కోసమని ఇంటిసభ్యులంతా ఎదురుచూస్తు ఉంటారు.

కెప్టెన్‌ అయిపోదామని అందరూ ప్రయత్నిస్తుంటారు. కెప్టెన్‌గా ఎన్నికైతే కొన్ని సౌలభ్యాలు ఉండటమే దానికి కారణం. ఆ వారానికి నామినేట్‌ చేయడానికి వీలుండకపోవడం.. సపరేట్‌ గది, ఇంటిపై పెత్తనం, సభ్యులందరీ మీదా అధికారం చెలాయించడం లాంటి వాటికోసం ఒక్కసారైనా కెప్టెన్‌ కావాలని కోరుకుంటారు. అయితే ఈ సీజన్‌లో మాత్రం రెండో వారం గడిచిపోతున్నా.. బిగ్‌బాస్‌ ఆ ఊసే ఎత్తడం లేదు. 

దీంతో హౌస్‌లో ఎవరికి వారే కెప్టెన్‌గా ఫీల్‌ అవుతున్నారు. పనులను పంచుకోవడంపైనా గొడవలు జరుగుతూనే ఉన్నాయి. మొదటివారంలో కెప్టెన్‌లా అందరిపైనా డామినేట్‌ చేసిన హేమ.. ఎలిమినేట్‌ అయింది. దీంతో శ్రీముఖి కాస్త పెత్తనం చెలాయిస్తున్నట్లు కనిపించినా..ఎవరికీ నచ్చింది వారు చేస్తున్నారు. మరి నేడు పవర్‌ గేమ్‌ అంటూ ఓ టాస్క్‌ ఇవ్వబోతోన్న బిగ్‌బాస్‌.. అందులో గెలిచిన వారిని కెప్టెన్‌గా సెలెక్ట్‌ చేయనున్నాడేమో చూడాలి.