‘ఆర్‌ఆర్‌ఆర్‌’లో ఎవరెవరికెంత?

టాలీవుడ్‌ క్రేజీ ప్రాజెక్ట్‌ అయిన ‘ఆర్‌ఆర్‌ఆర్‌’కు జాతీయ స్థాయిలో బజ్‌ ఏర్పడింది. బాహుబలి తరువాత దర్శక ధీరుడు రాజమౌళి.. ఈ ప్రాజెక్ట్‌ను అనౌన్స్‌ చేసిన్పటినుంచీ సినీ అభిమానులు దీని గురించి చర్చిస్తూనే ఉన్నారు. ఈ సినిమాపై వచ్చే ప్రతీ విషయం వైరల్‌ అవుతూనే ఉంది. 

అయితే ఈ ప్రాజెక్ట్‌ పనులు త్వరలోనే మొదలుకానున్నాయి. ఇప్పటికే ఎన్టీఆర్‌ను ఈ ప్రాజెక్ట్‌కు తగ్గట్టుగా మలచడానికి లాయిడ్‌ స్టీవెన్‌ రంగంలోకి దిగాడు. డిసెంబర్‌లో షూటింగ్‌ మొదలుకానున్నట్లు సమాచారం. ఇప్పుడు ఈ చిత్రానికి సంబంధించిన మరో వార్త వైరల్‌ అవుతోంది. ఈ సినిమాకు రామ్‌చరణ్‌, ఎన్టీఆర్‌ పారితోషకాలకు సంబంధించిన పుకార్లు హల్‌చల్‌ చేస్తున్నాయి. మాములుగా ఓ సినిమాకు వారికున్న ఇమేజ్‌, డిమాండ్‌ దృష్ట్యా దాదాపుగా ఇరవై కోట్లు తీసుకుంటారని సమాచారం. అయితే ఈ సినిమాకు వారిద్దరు కాల్షీట్లు భారీ మొత్తంలో కేటాయిస్తున్నందున రెగ్యులర్‌ సినిమాలకు తీసుకుంటున్నట్లుగా కాకుండా... కొంత షేర్‌ను తీసుకుంటున్నట్లు తెలుస్తోంది. టాలీవుడ్‌లో చాలా మంది హీరోలు ఇదే ఫార్మూలాను ఫాలో అవుతున్నారు. ప్రాఫిట్‌లో షేర్‌ను డిమాండ్‌ చేస్తూ ఫుల్‌గా వసూలుచేసుకుంటున్నారు.