మాస్‌ని మెస్మరైజ్ చేసేలా....

మాస్‌ని మెస్మరైజ్ చేసేలా.... - Sakshi


బాలకృష్ణ మాస్ ఇమేజ్ గురించి ప్రత్యేకించి చెప్పాల్సిన పని లేదు. అందుకు తగ్గట్టే పాత్రలను కూడా ఎంచుకుంటూ ముందుకెళ్తున్నారాయన. ప్రస్తుతం సత్యదేవ్‌ని దర్శకునిగా పరిచయం చేస్తూ రుద్రపాటి రమణరావు నిర్మిస్తున్న చిత్రంలో నటిస్తున్నారు బాలకృష్ణ. ఈ సినిమాకు సంబంధించిన ఫస్ట్‌లుక్‌ని శుక్రవారం పత్రికల వారికి విడుదల చేశారు. కళ్లజోడు, గళ్ల లుంగీతో మాస్‌ని మెస్మరైజ్ చేసేలా ఉన్నారు ఈ ఫస్ట్‌లుక్‌లో బాలయ్య. మాస్‌ని లక్ష్యంగా చేసుకొని ఈ చిత్రం రూపొందుతోందని ఈ ఫస్ట్‌లుక్ చెప్పకనే చెబుతోంది. ఇందులో బాలకృష్ణ సీబీఐ ఆధికారిగా నటిస్తున్నారు.



ఇందులో ఆయన పాత్ర మూడు డైమన్షన్లతో అత్యంత శక్తిమంతంగా సాగుతుందని యూనిట్ సభ్యుల సమాచారం. 60 శాతం షూటింగ్‌తో పాటు మూడు పాటల చిత్రీకరణ కూడా ఈ చిత్రం పూర్తి చేసుకుంది. బాలకృష్ణకు జోడీగా త్రిష నటిస్తున్న తొలి చిత్రం ఇదే కావడం విశేషం. ‘లెజెండ్’ ఫేమ్ రాధికా ఆప్టే మరో కథానాయిక. చంద్రమోహన్, జయసుధ, ప్రకాశ్‌రాజ్, అలీ, గీత తదితరులు ఇతర పాత్రలు పోషిస్తున్న ఈ చిత్రానికి కెమెరా: వెంకట్‌ప్రసాద్, సంగీతం: మణిశర్మ, కూర్పు: గౌతంరాజు, సమర్పణ: రుద్రపాటి ప్రేమలత, నిర్మాణం: ఎస్.ఎల్.వి.సినిమా.

 

Read latest News and Telugu News | Follow us on FaceBook, Twitter, Telegram

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి



 

Read also in:
Back to Top