మిషన్ ముంబై
ఎన్ఐఏ ఆఫీసర్ విజయ్వర్మ ఓ మిషన్ నిమిత్తం ముంబై ప్రయాణమయ్యారు. మరి ఈ మిషన్ వెనుక ఉద్దేశం ఏంటో తెలియడానికి ఇంకా సమయం ఉంది. నాగార్జున హీరోగా నూతన దర్శకుడు అషిషోర్ సోల్మాన్ దర్శకత్వంలో తెరకెక్కుతున్న చిత్రం ‘వైల్డ్ డాగ్’. నిరంజన్ రెడ్డి, అన్వేష్ రెడ్డి నిర్మిస్తున్నారు. ఈ సినిమాలో ఎన్ఐఏ ఆఫీసర్ విజయ్ వర్మ పాత్రలో నాగార్జున నటిస్తున్నారు. వాస్తవ సంఘటనల ఆధారంగా ఈ సినిమా తెరకెక్కుతోంది. ఈ చిత్రం తాజా షెడ్యూల్ ఈ నెల 9 నుంచి ముంబైలో ప్రారంభంకానుంది. ఈ షెడ్యూల్లో కీలక సన్నివేశాలను చిత్రీకరించడానికి ప్లాన్ చేశారు యూనిట్. వేసవికి ఈ సినిమాను విడుదల చేయడానికి సన్నాహాలు చేస్తున్నారు. ఈ చిత్రానికి కెమెరా: షానీ డియోల్.
సంబంధిత వార్తలు
మరిన్ని వార్తలు