అందుకే హీరో అయ్యా!

2 hours love movie updates - Sakshi

శ్రీపవార్‌. శ్రీనిక క్రియేషన్స్‌ నిర్మాణంలో రూపొందిన చిత్రం ‘2 అవర్స్‌ లవ్‌’. కృతిగార్గ్‌ హీరోయిన్‌గా నటించారు. ఈ శుక్రవారం చిత్రం విడుదల కానుంది. ఈ సందర్భంగా జరిగన విలేకరుల సమావేశంలో శ్రీపవార్‌ మాట్లాడుతూ– ‘‘నేను పుట్టి పెరిగింది హైదరాబాద్‌లోనే. ఐదేళ్లు సాఫ్ట్‌వేర్‌ జాబ్‌ చేశాను. రచన, దర్శకత్వం మీద ఉన్న అభిరుచితో సినిమా రంగానికి వచ్చేశాను. జాబ్‌ వదిలేసి సినిమా రంగానికి వచ్చినందుకు మా ఇంట్లో వాళ్లు ఏమీ అనలేదు. కారణం వాళ్లకి కూడా సినిమా అంటే చాలా ఇష్టం. పైగా మా అమ్మ చిరంజీవిగారి ఫ్యాన్‌. 

సుకుమార్‌గారంటే నాకు ఇష్టం. ఆయన సినిమాల్లో సీన్స్, ఆయన ఆలోచనా విధానం అంటే ఇష్టం. అలాగని ఆయన సినిమాలను కాపీ కొట్టను. ‘2 అవర్స్‌ లవ్‌’ కథకు విజయ్‌ దేవరకొండ సరిపోతారని ఆయన నటించిన ‘పెళ్లి చూపులు’ చూసి అనుకున్నాను. అయితే పూర్తి కథ రెడీ చేసేసరికి ‘అర్జున్‌ రెడ్డి’ విడుదల కావడం, తన క్రేజ్‌ అమాంతం పెరగడం జరిగిపోయాయి. అంత దూరం వెళ్లలేకపోయాను. ఆ తర్వాత ఓ ఇద్దరు ముగ్గురు హీరోలకు చెబితే సరిగ్గా స్పందించలేదు. దాంతో నేనే హీరోగా చేశాను. కథపరంగా సాయంత్రం నాలుగు గంటలకు ముందు, ఆరు గంటల తర్వాత ఏం జరిగినా హీరోయిన్‌ పాత్రకు సంబంధం ఉండదు. అందుకే ‘2 అవర్స్‌ లవ్‌’ అని టైటిల్‌ పెట్టాం’’ అన్నారు.

Read latest Movies News and Telugu News | Follow us on FaceBook, Twitter, Telegram



 

Read also in:
Back to Top