తమ్ముడి ఫ్రెండ్‌ అని తెలిసి మెసేజ్‌లు ఆపేశా..

Nov 27, 2019, 16:41 IST

నేను ఇంటర్‌ చదివేరోజులవి. ఎక్జామ్‌ సెంటర్‌లో తనను చూశాను. ఎక్జామ్‌ సంగతి అటుంచి తను నా క్లాస్‌ అయితే బావుండు అని కోరుకున్నా. దేవుడు నా మొర విన్నాడేమో..ఆ అమ్మాయి నా పక్క బెంచే. నా చూపులు ఆమె వైపే. ఇంతలో బెల్‌ మోగింది. ఎక్జామ్‌ స్టార్ట్‌ అయ్యింది. కానీ నా అటెన్షన్‌ మొత్తం తన వైపే ఉంది. ఎన్నిసార్లు చూసినా చూపుతిప్పుకోనంత అందం తనది. తన పేరు సిరి. ఒక్కోసారి పరీక్షల్లో నాకు కూడా సహాయం చేసింది. ఎక్జామ్స్‌ అయిపోయాయి. తనను మాత్రం అస్సలు మర్చిపోలేకపోతున్నా. అందరూ హాలీడేస్‌ ఎంజాయ్‌ చేస్తే..నేను మాత్రం తనను ఎలా కాంటాక్ట్‌ అవ్వాలా అని ఆలోచించేవాడిని.

ఓ రోజు ఫేస్‌బుక్‌లో సెర్చ్‌ చేశా. తన ఐడీ కనిపించింది. ఫుల్‌ హ్యాపీగా ఫీలయ్యా. వెంటనే తనకు మెసేజ్‌ చేశా. తను మాత్రం నాకు మెసేజ్‌లు చేయకు అనేసింది. అయినా నేను వినలేదు. చివరికి వాళ్ల అన్నయ్యతో చెప్పించింది. నేను అసలు పట్టించుకోలేదు. బ్లాక్‌ చేసింది. ఇన్‌స్టాగ్రామ్‌లో మెసేజ్‌ చేశా. నాకు బాయ్‌ ఫ్రెండ్‌ ఉన్నాడంటూ బాంబ్‌ పేల్చింది. అయినా వెనక్కి తగ్గాలనిపించలేదు. కనీసం ఫ్రెండ్స్‌లా ఉందామని మెసేజ్‌లు చేసేవాడ్ని. తను పట్టించుకోలేదు. అయినా మనం వెనక్కి తగ్గలేదు. టిక్‌టాక్‌లో తనను ఫాలో అయ్యా. తన ప్రతీ వీడియోకి కామెంట్‌ పెట్టేవాడిని. ఈ తతంగం మొత్తం తన బాయ్‌ఫ్రెండ్‌కి తెలిసింది. నాకు వార్నింగ్‌ ఇచ్చాడు సిరికి ఇంకెప్పుడూ మెసేజ్‌ చేయవద్దని, తర్వాత కొన్ని రోజులు నేను కూడా సిరికి మెసేజ్‌ చేయడం మానేశాను. కానీ నా ఊహాలన్నీ తన చుట్టూనే తిరిగేవి.

కొన్ని రోజుల తర్వాత తెలిసింది ఏంటంటే సిరి ప్రేమిస్తున్న అబ్బాయి నా తమ్ముడి ఫ్రెండ్‌ రాకేశ్‌ అని. ఇంక అప్పట్నుంచి తనకి మెసేజ్‌ చేయకూడదని డిసైడ్‌ అయ్యా. అలా రోజులు, నెలలు గడిచాయి. ఒక సంవత్సరం తర్వాత తెలిసింది రాకేశ్‌..ఓ యాక్సిడెంట్‌లో చనిపోయాడని.. మొదట్లో చాలా బాధేసింది. సిరి ఎలా ఉందో అని తన గురించే రోజూ ఆలోచిస్తున్నా. మళ్లీ తనకి నా ద్వారా సంతోషాన్ని పంచాలనుకుంటున్నా..

వంశీకృష్ణ ( విక్కీ)

Read latest Lifestyle News and Telugu News | Follow us on FaceBook, Twitter, Telegram

Tags:

World of Love

Telugu Love Story

తాజా వార్తలు

ఇంకా »

ఈ వారం మీ ప్రేమ జాతకం

(తేదీ : 20 నుంచి 26 వరకు)

అనుకున్న ఇష్టులైన వారికి సందేశాలు అందించేందుకు శుక్ర, గురువారాలు అత్యంత అనుకూలమైనవిగా చెప్పవచ్చు. ఈరోజుల్లో మీ ప్రతిపాదనలు అవతలివారు వినమ్రంగా స్వీకరించే వీలుంటుంది. ఇక ఈ సమయంలో మీరు ఆరెంజ్, రెడ్‌ రంగు దుస్తులు ధరిస్తే మంచిది. అలాగే, ఇంటి నుంచి తూర్పుదిశగా బయలుదేరండి. అయితే, సోమ, మంగళవారాలు వీటికి దూరంగా ఉండడం మంచిది.

మీమనస్సులో ఉన్న వారికి ప్రేమసందేశాలు అందించేందుకు సోమ, బుధవారాలు అనుకూలమైనవిగా చెప్పొచ్చు. ఈ రోజుల్లో మీ ప్రతిపాదనలపై అవతలి వైపు నుంచి అనుకూల స్పందనలు రావచ్చు. ఈ సమయంలో మీరు ఎల్లో, పింక్‌ రంగు దుస్తులు ధరించండి. అలాగే, ఇంటి నుంచి దక్షిణదిశగా బయలుదేరండి. అయితే, శని, మంగళవారాలు ఇటువంటి ప్రయత్నాలు విరమించండి.

మీరు అత్యంత ఇష్టపడే వారికి మనస్సులోని భావాలను శుక్ర, బుధవారాలు వెల్లడిస్తే అనుకూలత ఉంటుంది. ఈ సమయంలో మీ ప్రతిపాదనలను అవతలి వారు సైతం అంగీకరించే వీలుంటుంది. ఈ సమయంలో మీరు రెడ్, వైట్‌ రంగు దుస్తులు ధరించాలి. అలాగే, ఇంటి నుంచి ఉత్తరఈశాన్యదిశగా బయలుదేరితే శుభదాయకంగా ఉంటుంది. ఇక, ఆది, మంగళవారాలు ఇటువంటి వాటికి దూరంగా ఉండండి.