పారిస్ వీధుల్లో పులి హల్చల్ ; కాల్చివేత
పారిస్ : సర్కస్ నుంచి తప్పించుకుని నగర వీధుల్లోకి ప్రవేశించిన ఓ పెద్దపులిని యజమాని కాల్చివేశాడు. ఈ ఘటన శనివారం పారిస్లో చోటు చేసుకుంది. బొర్మాన్ - మోరెనో సర్కస్ రోడ్డు మీదకు పులి రావడంతో షాక్కు గురైన ఫ్రాన్స్ రాజధాని పారిస్ ప్రజలు భయంతో పరుగులు తీశారు. పెద్ద ఎత్తున ట్రాఫిక నిలిచిపోయింది. దీంతో అత్యవసర సిబ్బంది రంగంలోకి దిగాల్సివచ్చింది.
అంతేకాకుండా పులి తిరుగుతున్న ప్రాంతంలో ట్రాఫిక్ను దారి మళ్లించాల్సి వచ్చింది. అంతలో అక్కడికి చేరుకున్న పులి యజమాని దాన్నిపై కాల్పులు జరిపాడు. ఈ ఘటనలో పులి తీవ్రంగా గాయపడి మరణించినట్లు పోలీసులు తెలిపారు. పులి యజమానిపై కేసు నమోదు చేసి విచారిస్తున్నట్లు వెల్లడించారు. అదృష్టవశాత్తు పులి ఎవరినీ గాయపర్చలేదని తెలిపారు.