రెండు వారాల పాటు నగరంలో రాష్ట్రపతి

రెండు వారాల పాటు నగరంలో రాష్ట్రపతి - Sakshi


హైదరాబాద్: రాష్ట్రపతి ప్రణబ్ ముఖర్జీ శీతాకాల విడిది కోసం ఈ నెల 18న హైదరాబాద్‌కు రానున్నారు. రెండు వారాల పాటు (ఈ నెల 31 వరకు) బొల్లారంలోని రాష్ట్రపతి నిలయంలో ఆయన విడిది చేస్తారు.




రాష్ట్రపతి శీతాకాల విడిది షెడ్యూల్:

ఈ నెల18న హకీంపేట్ ఎయిర్ పోర్ట్ నుండి నేరుగా రాష్ట్రపతి నిలయానికి ప్రణబ్ ముఖర్జీ చేరుకుంటారు. 19న తిరుమలగిరిలోని మిలిటరీ కాలేజీ ఆఫ్ ఇంజనీరింగ్, ఎలక్ట్రానిక్స్ స్నాతకోత్సవం కార్యక్రమానికి ముఖ్య అతిథిగా రాష్ట్రపతి ప్రణబ్ పాల్గొననున్నట్లు సమాచారం. ఈ 22న కర్ణాటకలోని బీదర్కు ప్రణబ్ వెళ్లనున్నారు. ఈ 27న ప్రొఫెసర్ జయశంకర్ యూనివర్సిటీలో జరిగే ఇండియన్ ఎకనామిక్ అసోసియేషన్ వార్షిక కాంగ్రెస్ సదస్సులో రాష్ట్రపతి పాల్గొంటారు. అనంతరం అదే రోజు మధ్యాహ్నం ఎర్రవల్లికి చేరుకుంటారు.


ఎర్రవెల్లిలో తెలంగాణ ముఖ్యమంత్రి కేసీఆర్ నిర్వహించే అయుత చండీయాగంలో పాల్గొంటారు. ఈ 30న సాయంత్రం రాష్ట్రపతి నిలయంలో నిర్వహించే విందు కార్యక్రమానికి హాజరవుతారు. ఈ 31న ఉదయం హకీంపేట్ ఎయిర్ పోర్ట్ నుండి ఢిల్లీకి తిరుగు ప్రయాణమవుతారు. షెడ్యూల్ ప్రకటించని మిగతా రోజుల్లో రాష్ట్రపతి నిలయంలోనే ప్రణబ్ ముఖర్జీ గడపుతారని సమాచారం.

Read latest Hyderabad News and Telugu News | Follow us on FaceBook, Twitter, Telegram

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top