కర్నూలు జిల్లాలో ఘోర రోడ్డుప్రమాదం

కర్నూలు జిల్లాలో ఘోర రోడ్డుప్రమాదం - Sakshi


అదుపుతప్పి డివైడర్‌ను ఢీకొట్టిన కారు

మృతుల్లో చిన్నారి సహా ఇద్దరు మహిళలు

మృతులు మహబుబ్‌నగర్‌ జిల్లా మక్తల్‌ వాసులుగా గుర్తింపు



కర్నూలు: కర్నూలు జిల్లాలోని వెల్దుర్తి మండలం మల్లేపల్లి స్టేజీ వద్ద సోమవారం తెల్లవారుజామున ఘోర రోడ్డుప్రమాదం జరిగింది. ఈ ప్రమాదంలో ఆరుగురు అక్కడిక్కడే మృతిచెందారు. కేరళ నుంచి మహబుబ్‌నగర్‌ జిల్లా మక్తల్‌ వైపు అతివేగంగా వెళుతున్న (ఏపీ35 ఎమ్‌7677)  నంబర్‌గల కారు అదుపుతప్పి డివైడర్‌ను ఢీకొట్టడంతో ఈ ప్రమాదం చోటుచేసుకున్నట్టు తెలిసింది. కారు అతివేగమే ఈ ప్రమాదానికి కారణమని తెలుస్తోంది.



మృతుల్లో ఐదు నెలల చిన్నారి సహా ఇద్దరు మహిళలు ఉన్నారు. మృతులు మహబూబ్‌నగర్‌ జిల్లా మక్తల్‌ వాసులు.. మక్తల్‌లోని కేరళ టెక్నో స్కూల్‌ యజమాని రూబెన్‌, ఆయన తల్లిదండ్రులు, భార్య ఐదు నెలల కుమారుడు, కారు డ్రైవర్‌ గా పోలీసులు గుర్తించారు. మృతదేహాలను పోస్టుమార్టం నిమిత్తం మార్చూరీకి తరలించినట్టు సమాచారం.



Read latest District News and Telugu News | Follow us on FaceBook, Twitter, Telegram

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి



 

Read also in:
Back to Top