హోటల్‌ యజమానిపై వర్కర్ల దాడి

Workers Attack Hotel Owner In Martur At Prakasam - Sakshi

సాక్షి, మార్టూరు (ప్రకాశం): హోటల్‌ యజమాని మందలించాడనే కారణంతో అదే హోటల్‌లో పనిచేసే ఇద్దరు వర్కర్లు సలా సలా మరుగుతున్న నూనెను ఆయనపై పోశారు. ఈ సంఘటన మండల కేంద్రం మార్టూరులో సోమవారం మధ్యాహ్నం జరిగింది. బాధితుడు, పోలీసుల కథనం ప్రకారం.. ఇంకొల్లు మండలం భీమవరం గ్రామానికి చెందిన పేర్ని వెంకట్రావు ఆరేళ్ల నుంచి స్థానిక నాగరాజుపల్లి సెంటర్‌లో ఆదిత్య హోటల్‌ నిర్వహిస్తున్నాడు. డేగరమూడికి చెందిన ఇద్దరు సోదరులు అన్నం నరేంద్ర, గోపిలు ఇదే హోటల్లో రెండేళ్ల నుంచి సర్వర్లుగా పనిచేస్తున్నారు. ఈ క్రమంలో నరేంద్ర మద్యం తాగి హోటల్‌కు రావడంతో యజమాని వెంకట్రావు మందలించాడు.

మద్యం తాగి వస్తే కస్టమర్లకు ఇబ్బందిగా ఉంటుందని, మద్యం తాగి హోటల్‌కు రావొద్దని హెచ్చరించి కూరగాయల తరిగే పనిలో నిమగ్నమై ఉన్నాడు. యజమాని హెచ్చరికతో నరేంద్ర క్షణికావేశానికి లోనయ్యాడు. పూరీలు వేసేందుకు బాండిలో మరుగుతున్న నూనెను ఒక్కసారిగ్గా యజమాని వెంకట్రావుపై కుమ్మరించాడు. అంతటితో ఆగక నరేంద్ర తన సోదరుడు గోపితో కలిసి యజమానిపై దాడి చేస్తుండగా వెంకట్రావు భార్య స్వప్న అడ్డు వెళ్లింది. ఆమెపై కూడా దాడి చేశారు. అరుపులు, కేకలు విన్న స్థానికులు వారిని విడదీసి వెంకట్రావును స్థానిక ప్రభుత్వాస్పత్రిలో ప్రథమ చికిత్స చేయించి అనంతరం గుంటూరు ప్రభుత్వాస్పత్రికి తరలించారు. పోలీసులు కేసు నమోదు చేసి దర్యాఫ్తు చేస్తున్నారు.

Read latest Crime News and Telugu News | Follow us on FaceBook, Twitter


Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top