వి.కోట ప్రేమజంట కర్ణాటకలో ఆత్మహత్య

Vkota Couple Commits Suicide in Karnataka - Sakshi

వి.కోట: మండలానికి చెందిన ఒక ప్రేమజంట కర్ణాటక రాష్ట్రం బేతమంగళం అటవీ ప్రాంతంలో ఆత్మహత్య చేసుకున్న ఘటన సోమవారం ఆలస్యంగా వెలుగు చూసింది. మండలంలోని గెస్తింపల్లికి చెందిన నీలకంఠ(32), చల్లపల్లికి చెందిన లలిత (28) ప్రేమించుకున్నారు. వీరి పెళ్లికి పెద్దలు అంగీకరించలేదు. పైగా వేరే పెళ్లి చేయడానికి నిర్ణయించడంతో ఇంట్లో నుంచి పారిపోయారు. వారికోసం ఇరు కుటుంబాల వారు వెతుకుతున్నారు. ఈ క్రమంలో సోమవారం కర్ణాటక రాష్ట్రం కోలారు జిల్లా బేతమంగళం సమీపంలోని అటవీ ప్రాంతంలో ఇద్దరు ఆత్మహత్య చేసుకుని ఉన్న విషయాన్ని గుర్తించిన పశువుల కాపరులు అక్కడి పోలీసులకు ఫిర్యాదు చేశారు. పోలీసులు విచారించగా వారు నీలకంఠ, లలితలుగా గుర్తించి, వి.కోట పోలీసులకు సమాచారం అందించారు. ఘటనా స్థలంలో దొరికిన ఆధారాలను బట్టి వారు పురుగుల మందు తాగి ఉంటారని పోలీసులు ప్రాథమికంగా నిర్ధారించారు. మృతదేహాలను పోస్టుమార్టానికి తరలించి, కేసు దర్యాప్తు చేస్తున్నారు. ప్రేమజంట మృతితో ఆ రెండు కుటుంబాల్లో విషాదం నెలకొంది.

Read latest Crime News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top