కామాంధుడిపై అక్కాచెల్లెళ్ల దాడి
సాక్షి, నిజమాబాద్ : అసభ్యకరంగా ఫోటోలు, వీడియోలు తీసి, వేధింపులకు పాల్పడుతున్న ఓ కామాంధుడికి అక్కాచెల్లెళ్లు బుద్ధిచెప్పారు. తరుచూ లైంగిక వేధింపులకు పాల్పడుతున్న అతడిని చితకబాది, పోలీసులకు అప్పగించారు. ఈ సంఘటన శుక్రవారం నిజామాబాద్ జిల్లాలో చోటు చేసుకుంది. పోలీసులు తెలిపిన వివరాల మేరకు.. కొద్దిరోజుల క్రితం నిర్మల్కు చెందిన అనిల్ అనే యువకుడు నిజమాబాద్కు చెందిన ఓ వివాహితకు కూల్డ్రింక్లో మత్తు మందు కలిపి ఇచ్చాడు. వివాహిత స్ప్రహకోల్పోవటంతో అసభ్యకరంగా ఆమెను ఫోటోలు, వీడియోలు తీశాడు. ఇందుకు ఆమె భర్త చెల్లెలు(మరదలు) సహకరించటం గమనార్హం.
అప్పటినుంచి బెదిరింపులకు పాల్పడుతూ అనిల్ వివాహితను లైంగికంగా వేధించేవాడు. అతనికి ఆమె మరదలు సహకరిస్తూ ఉండేది. ఓ రోజు వివాహిత ఫోటోలను ఆమె భర్తకు పంపారు ఇద్దరూ. దీంతో భార్యను అనుమానించిన భర్త ఆమెను ఇంటినుంచి బయటకు పంపేశాడు. ఈ నేపథ్యంలో మరోసారి నిజామాబాద్కు వచ్చిన అనిల్! తనవెంట రావాలంటూ వివాహితను బలవంతం చేశాడు. దీంతో వివాహిత, ఆమె చెల్లెలు ఇంటిపక్కన ఉండే వారి సహాయంతో అనిల్ను చితకబాది, పోలీస్ స్టేషన్లో అప్పగించారు. వివాహిత ఫిర్యాదు మేరకు 354(సి),448,506 సెక్షన్ల కింద కేసులు నమోదు చేసుకున్న పోలీసులు దర్యాప్తు చేపట్టారు.
సంబంధిత వీడియో కోసం ఇక్కడ క్లిక్ చేయండి :
కామాంధుడికి అక్కాచెల్లెళ్లు దేహశుద్ధి