కొంపల్లిలో రోడ్డు ప్రమాదం: ముగ్గురు యువకుల మృతి

Road Accident At Kompally Three Died - Sakshi

సాక్షి, మేడ్చల్‌: నగర శివారులోని కొంపల్లిలో దారుణ రోడ్డు ప్రమాదం చోటుచేసుకుంది. బైక్‌పై వెళ్తున్న ముగ్గురు యువకులను వెనుకనుంచి వేగంగా వచ్చిన లారీ బలంగా ఢీకొట్టింది. ఈ ఘటనలో బైక్‌పై ఉన్న ముగ్గురు యువకులు అక్కడిక్కడే మృతి చెందారు. సుచిత్ర నుంచి మేడ్చల్‌ వైపుకు బైక్‌పై వెళ్తున్న విక్రమ్‌ సింగ్‌, ఇంద్రచంద్‌, దినేశ్‌ ఈ ప్రమాదానికి గురయ్యారు. అధిక లోడ్‌తో వేగంగా వస్తున్న లారీ కొంపల్లి హైవే బ్రిడ్జ్‌ వద్ద బైక్‌ను బలంగా ఢీకొట్టడంతో ఈ ప్రమాదం జరిగినట్లు స్థానికులు తెలిపారు. లారీ డ్రైవర్‌ను అదుపులోకి తీసుకున్న పోలీసులు ఘటనపై విచారించారు. డ్రైవర్‌ నిర్లక్ష్యపు డ్రైవింగ్‌ కారణంగానే ప్రమాదం జరిగిందని పోలీసులు నిర్థారించారు.  

ఇన్నోవా వాహనంతో స్కూటీని ఢీకొట్టి..
ఇద్దరు యువకులు ర్యాష్‌ డ్రైవింగ్‌తో కొంపల్లిలో రోడ్డు యాక్సిడెంట్‌ చేశారు. వేగంగా ఇన్నోవా వాహనాన్ని నడిపి స్కూటీని ఢీకొట్టారు. ఈ ఘటనలో తీవ్రంగా గాయపడిన మహిళ ఆస్పత్రిలో చికిత్సపొందుతూ మృతిచెందింది. ఆమె దూలపల్లికి చెందిన శ్రీదేవి అని, మల్లారెడ్డి గ్రూఫ్‌ ఆఫ్‌ ఇనిస్టిట్యూట్‌లో ఉద్యోగిని అని గుర్తించారు. అన్న కుమారుడు బాలాజీతో కలిసి... షాపింగ్‌ కోసం వెళ్తుండగా ఈ ప్రమాదం జరిగినట్టు తెలుస్తోంది.మరోవైపు ప్రమాదానికి కారణమైన ఇద్దరు యువకులు.. ఇన్నోవాను వదిలి పరారయ్యారు. యాక్సిడెంట్‌ చేసిన ఇద్దరు యువకులు ఇంజనీరింగ్‌ విద్యార్థులని పోలీసులు గుర్తించారు. అల్వాల్‌లోని కార్‌కేర్‌లో కారుని రెంటుకు తీసుకొన్నట్టు చెప్తున్నారు. అల్వాల్‌ నుంచి చార్మినార్‌కు బయల్దేరిన యువకులు.. మధ్యలో స్నేహితులను ఎక్కించుకునేందుకు కారును వేగంగా నడిపారని సమాచారం

Read latest Crime News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top