గన్నుతో తలపై నాలుగు రౌండ్లు కాల్చినా..

Man Shoots Dog With Air Gun On Head In London - Sakshi

లండన్‌ : పెంపుడు జంతువుతో అమానుషంగా ప్రవర్తించాడో వ్యక్తి. మూగ జీవన్న కారుణ్యం లేకుండా ఎయిర్‌ గన్నుతో దాని తలపై నాలుగు రౌండ్లు కాల్పులు జరిపాడు. అది చావు బ్రతుకుల మధ్య ఉంటే పట్టించుకోకుండా.. దాన్ని పొదల్లో పడేసి వెళ్లిపోయాడు. వివరాల్లోకి వెళితే.. ఇంగ్లాండ్‌లోని హ్యాంప్‌ షేర్‌కు చెందిన సీమన్‌ హ్యంకాక్‌ (37) జెట్‌ అనే లేక్‌లాండ్‌ టెర్రియర్‌ జాతికి చెందిన ఓ కుక్కను పెంచుకుంటున్నాడు. ఓ రోజు ఉన్మాదిలా మారిన హ్యాంకాక్‌ ఎయిర్‌ గన్నుతో దాని తలపై నాలుగు రౌండ్లు కాల్పులు జరిపాడు. అది రక్తపు మడుగుల్లో చావు బతుకుల మధ్య కొట్టుమిట్టాడుతుంటే దాన్ని తీసుకెళ్లి పొదల్లో పడేసి పోయాడు. కానీ జెట్‌ అదృష్టం కొద్ది అటుగా వెళుతున్న ఓ వ్యక్తి దాన్ని చూసి జంతుసంరక్షణా సిబ్బందికి సమాచారమందించాడు.

అతడి సమాచారంతో వెనువెంటనే అక్కడకు చేరుకున్న సిబ్బంది జెట్‌ను ఆసుపత్రికి తరలించారు. ఆసుపత్రి వైద్యులు దాని తలలో దిగబడిన పెల్లెట్లను బయటకు తీసి రక్షించారు. కుక్కను చంపటానికి ప్రయత్నించిన దాని ఓనర్‌పై జంతుసంరక్షణా సిబ్బంది కేసు పెట్టారు. దీనిపై విచారణ జరిపిన కోర్టు హ్యాంకాక్‌కు 10 సంవత్సరాల పాటు జంతువులను పెంచుకునేందుకు అనుమతిని రద్దు చేసింది.

Read latest Crime News and Telugu News | Follow us on FaceBook, Twitter

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top