రోడ్డు ప్రమాదంలో యువకుడు మృతి 

Man Died In Road Accident In Adilabad - Sakshi

సాక్షి, తాండూర్‌(ఆదిలాబాద్‌) : మండలంలోని గంపలపల్లి బస్టాండ్‌ సమీపంలో ఆదివారం రాత్రి జరిగిన రోడ్డు ప్రమాదంలో ఓ యువకుడు అక్కడికక్కడే మృతి చెందగా మరో ముగ్గురు గాయాలపాలయ్యారు. ఎస్సై కొత్తపల్లి రవి తెలిపిన వివరాల ప్రకారం... అచ్చలాపూర్‌ గ్రామ పంచాయతీ గంపలపల్లికి చెందిన ఆయిళ్ల సృజన్‌ (22), ఆయిళ్ల భాస్కర్‌ తాండూర్‌ ఐబీ నుంచి ద్విచక్రవాహనంపై అచ్చలాపూర్‌ వైపు వస్తున్నారు. అదే సమయంలో రెబ్బెన మండలం నారాయణపూర్‌కు చెందిన టెల్కొజీ అశోఖ్‌ , చిట్యాల అంకన్న ద్విచక్రవాహనంపై తాండూర్‌ వైపు వెళ్తున్నారు

గంపలపల్లి బస్‌స్టేషన్‌ వద్దకు చేరుకోగానే రెండు బైకులు ఎదురెదురుగా వచ్చి ఢీకొన్నాయి. ఈ ప్రమాదంలో ఆయిళ్ల సృజన్‌ అక్కడికక్కడే మృతి చెందాడు. భాస్కర్, అశోక్, అంకన్నలకు గాయాలయ్యాయి. ఎస్సై రవి క్షతగాత్రులను 108 అంబులెన్స్‌లో బెల్లంపల్లి ప్రభుత్వాసుపత్రికి తరలించారు. భాస్కర్‌ పరిస్థితి విషమంగా ఉంది. ఈ మేరకు కేసు నమోదు చేసుకుని దర్యాప్తు చేస్తున్నట్లు ఎస్సై తెలిపారు.   

Read latest Crime News and Telugu News | Follow us on FaceBook, Twitter


Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top