ప్రియురాలి నిశ్చితార్థం రోజే.. ప్రియుడి ఆత్మహత్య

Man Commits Suicide After Girlfriend Engagement In Karimnagar District - Sakshi

ప్రేమించిన అమ్మాయి దక్కదని.. 

వ్యవసాయబావిలో దూకి మృతిచెందిన సంతోష్‌

సాక్షి, శంకరపట్నం: తను ప్రేమించిన అమ్మాయి దక్కదని.. సదరు యువతి నిశ్చితార్థం రోజే ప్రియుడు ఆత్మహత్య చేసుకున్న సంఘటన శంకరపట్నం మండల పరిధిలో జరిగింది. తిమ్మాపూర్‌ మండలం మొగిలిపాలెం గ్రామానికి చెందిన జక్కుల సంతోష్‌(27) శంకరపట్నం మండలం అంబాల్‌పూర్‌ శివారులోని వ్యవసాయాబావిలో దూకి ఆత్మహత్య చేసుకున్నాడు. శంకరపట్నం పోలీసులు, బంధువులు తెలిపిన వివరాల ప్రకారం.. మొగిలిపాలెం గ్రామానికి చెందిన జక్కుల సంతోష్‌ హుజూరాబాద్‌ సివిల్‌సప్లై గోదాంలో ఔట్‌సోర్సింగ్‌లో ఉద్యోగం చేస్తున్నాడు. అదే గ్రామానికి చెందిన యువతిని ప్రేమిస్తున్నాడు. కులాలు వేరుకావడంతో గతంలో ఎల్‌ఎండీ పోలీస్‌స్టేషన్‌లో సదరు యువతి తల్లిదండ్రులు ఫిర్యాదు చేయడంతో సంతోష్‌ ఆత్మహత్యాయత్నం చేయగా బంధువులు చికిత్స చేయించారు. ఈ ఘటన జరిగిన కొన్నాళ్లకు రూ.6లక్షలు ఇవ్వాలని, లేకుంటే కేసు పెడుతామని యువతి తండ్రి సంతోష్‌ను బెదిరింపులకు గురిచేయడంతో 4 నెలల క్రితం రూ.4లక్షలు అప్పగించారు. ఈక్రమంలో శనివారం సదరు యువతికి తల్లిదండ్రులు వేరే యువకుడితో నిశ్చితార్థం జరిపించారు.

విషయం తెలుసుకున్న సంతోష్‌ ప్రేమించిన అమ్మాయి తనకు దక్కదని, ఆత్మహత్య చేసుకుంటున్నానని, తన వద్ద తీసుకున్న రూ.4లక్షలు తన తల్లికి ఇప్పించాలని వాయిస్‌ రికార్డు చేసి సర్పంచ్‌ భర్త రమణారెడ్డికి పంపించాడు. శంకరపట్నం మండలం అంబాల్‌పూర్‌ శివారులో వ్యవసాయబావిలో దూకి ఆత్మహత్య చేసుకుంటున్నానని శనివారం రాత్రి మొగిలిపాలెం గ్రామానికి చెందిన ఓ వ్యక్తికి ఫోన్‌లో చెప్పడంతో శంకరపట్నం పోలీసులకు సమాచారం ఇచ్చారు. రాత్రి ఎస్సై శ్రీనివాస్, గ్రామస్తులు బావిలో గాలించినా ఫలితం లేకుండాపోయింది. ఆదివారం పోలీసులు, బంధువులు సంతోష్‌ మృతదేహాన్ని బయటకు తీశారు. తన కుమారుడు ఓ అమ్మాయిని ప్రేమిస్తే, ఆమె తల్లిదండ్రులు పోలీస్‌స్టేషన్‌లో ఫిర్యాదు చేస్తామంటూ బెదిరించి రూ.4లక్షలు తీసుకున్నారని, వేరే యువకుడితో నిశ్చితార్థం జరిపించడంతో తన కొడుకు ఆత్మహత్య చేసుకున్నాడని మృతుడి తల్లి మల్లవ్వ పోలీసులకు ఫిర్యాదు చేసింది. కేసు దర్యాప్తు చేస్తున్నట్లు ఏఎస్సై కిషన్‌ తెలిపారు. 

Read latest Crime News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top