అనుమానంతో భార్యను.. అడ్డువచ్చిన అత్తను..

Man Brutally Hacks Wife And Mother In Law In West Godavari - Sakshi

సాక్షి, పశ్చిమ గోదావరి : జిల్లాలో దారుణం చోటుచేసుకుంది. అనుమానంతో భార్యను, అడ్డువచ్చిన అత్తను అతి కిరాతకంగా నరికి చంపాడో ఉన్మాది. ఈ సంఘటన శుక్రవారం గోపాలపురం మండలం దొండపూడిలో చోటుచేసుకుంది. పోలీసులు తెలిపిన వివరాల మేరకు.. దొండపూడి గ్రామానికి చెందిన లక్ష్మి అనే మహిళకు 15 సంవత్సరాల క్రితం గోపాలపురం మండలం రాంపాలెం గ్రామానికి చెందిన కుమ్మరి కాంతారావుతో వివాహం జరిగింది. సంవత్సర కాలంగా కాంతారావు.. లక్ష్మిపై అనుమానంతో గొడవలు పడుతున్నాడు. మనస్తాపంతో మూడుసార్లు ఆత్మహత్యాయత్నానికి ప్రయత్నించాడు. దీంతో లక్ష్మి గత నాలుగు నెలలుగా పుట్టింటి వద్దే ఉంటోంది.

ఈ నేపథ్యంలో శుక్రవారం తప్ప తాగి లక్ష్మి వద్దకు వచ్చిన కాంతారావు.. తనతో పాటు తెచ్చుకున్న కత్తితో ఆమెపై దాడి చేశాడు. కూతురిపై దాడిని ప్రతిఘటించిన అత్త అప్పుల పుష్పవతిపై కూడా కత్తితో దాడి చేశాడు. దీంతో ఇద్దరూ అక్కడికక్కడే మృతి చెందారు. అడ్డుగా వచ్చిన బావమరిది మంగారావును కూడా కత్తితో తీవ్రంగా గాయపరిచాడు. అనంతరం కాంతారావు గలాటా సృష్టించడంతో స్థానికులు అతనిపై రాళ్లతో దాడి చేసి  పోలీసులకు అప్పగించారు.

Read latest Crime News and Telugu News | Follow us on FaceBook, Twitter

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top