పెళ్లి ఇష్టం లేక.. లా విద్యార్థి ఆత్మహత్య

Law Student Commiot Suicide in Lodge Room Hyderabad - Sakshi

సనత్‌నగర్‌: పెళ్లి చేసుకోవడం ఇష్టం లేక లా ఫైనల్‌ ఇయర్‌  విద్యార్థి లాడ్జిలో ఉరేసుకుని ఆత్మహత్యకు పాల్పడిన సంఘటన ఎస్‌ఆర్‌నగర్‌ పోలీస్‌స్టేషన్‌ పరిధిలో గురువారం చోటు చేసుకుంది. పోలీసుల కథనం మేరకు వివరాలిలా ఉన్నాయి. బల్కంపేట సమీపంలోని శ్రీరామ్‌నగర్‌కు చెందిన అమృత్‌కుమార్‌ (33) నగరంలోని ఓ లా కళాశాలలో ఫైనల్‌ ఇయర్‌ చదువుతున్నాడు.  ఇంట్లో అతడికి పెళ్లి సంబంధాలు చూస్తుండడంతో గత నాలుగు రోజులుగా కుటుంబ సభ్యులతో గొడవలు జరుగుతున్నాయి.

తాను పెళ్ళి చేసుకోనని చెబుతున్నా కుటుంబసభ్యులు పట్టించుకోకపోవడంతో మనస్తాపానికి గురైన అమృతకుమార్‌ ఎస్సార్‌నగర్‌లోని శ్రీ కృష్ణ రెసిడెన్సీ లాడ్జిలో 105 గదిని అద్దెకు తీసుకుని అక్కడే ఉంటున్నాడు. గురువారం ఉదయం రూమ్‌బాయ్‌ గది తలుపులు తట్టినా స్పందన లేకపోవడంతో లాడ్జి నిర్వాహకులు ఎస్సార్‌నగర్‌ పోలీసులకు సమాచారం అందించారు. సంఘటనా స్థలానికి చేరుకున్న పోలీసులు గది తలుపులు పగులగొట్టి లోపలికి వెళ్లి చూడగా అమృత కుమార్‌ చీరతో ఫ్యాన్‌కు ఉరేసుకుని  కనిపించాడు. మృతుని సోదరుడు సూరజ్‌ ఫిర్యాదు మేరకు పోలీసులు కేసు నమోదు చేసుకుని దర్యాప్తు చేస్తున్నారు.

Read latest Crime News and Telugu News | Follow us on FaceBook, Twitter

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top