దారుణం : 90 ఏళ్ల వృద్ధురాలిపై అత్యాచారం

జైపూర్‌ : అసలే వృద్ధురాలు.. ఆపై కంటిచూపు లేదు. ఇలాంటివారు ఎదురైతే ఎవరికైనా అయ్యో పాపం అనిపిస్తుంది. కానీ, కామంతో కళ్లు మూసుకుపోయిన వారికి జాలీ, కనికరమన్నవి ఉండవుగా.! ఎంతకైనా తెగించి రాక్షసత్వాన్ని ప్రదర్శిస్తారు. తాజాగా ఓ వ్యక్తి 90 ఏళ్ల అవ్వపై లైంగిక దాడికి పాల్పడిన అమానుష ఘటన రాజస్థాన్‌లో చోటుచేసుకుంది. వివరాలు..  భరత్‌పూర్‌లో నివాసముండే తొంభై ఏళ్ల వృద్ధురాలిపై  దల్బీర్‌ గుజ్జర్‌ (25) అనే వ్యక్తి శుక్రవారం అఘాయిత్యానికి పాల్పడ్డాడు. ఆ సమయంలో ఇంట్లో ఎవరూ లేకపోవడంతో వృద్ధురాలు నిస్సహాయురాలైంది. అనంతరం తన కోడలికి విషయం చెప్పగా ఆమె పోలీసులకు ఫిర్యాదు చేసింది. వైద్య పరీక్షలు నిర్వహించగా వృద్ధురాలిపై అఘాయిత్యం జరిగిందని నిర్ధారణ అయింది. నిందితుడిని పోలీసులు అరెస్టు చేసి స్టేషన్‌కు తరలించారు.