క్షీణించిన రూపాయి 

20 paise down compared with the dollar - Sakshi

డాలర్‌తో పోలిస్తే 20 పైసలు డౌన్‌

ముంబై: అంతర్జాతీయంగా క్రూడాయిల్‌ ధరల ర్యాలీతో.. రూపాయి మారకం విలువ క్షీణించింది. గురువారం డాలర్‌తో పోలిస్తే 20 పైసలు తగ్గి 67.12 వద్ద క్లోజయ్యింది. రిజర్వ్‌ బ్యాంక్‌ కీలక పాలసీ రేట్లను పెంచిన ప్రభావంతో ఫారెక్స్‌ మార్కెట్లో సాధారణంగానే కొంత ఒడిదుడుకులు నెలకొనగా.. ఒక్కసారిగా ముడిచమురు ధరలు కూడా పెరగడంతో దేశీ కరెన్సీ.. నెల రోజుల గరిష్ట స్థాయి నుంచి క్షీణించింది. చమురు దిగుమతులపై ఆధారపడిన దేశం కావడంతో.. క్రూడాయిల్‌ రేట్లు పెరిగితే భారత ఆర్థిక వ్యవస్థపై సహజంగానే ప్రతికూల ప్రభావం పడుతుందన్న సంగతి తెలిసిందే.

బుధవారం డాలర్‌తో పోలిస్తే నెల రోజుల గరిష్ట స్థాయి 66.92 వద్ద రూపాయి మారకం విలువ క్లోజయ్యింది. కానీ ఆ తర్వాతి పరిణామాలతో గురువారం ఫారెక్స్‌ మార్కెట్లో రూపాయి ట్రేడింగ్‌ ఒకింత బలహీనంగా 66.93 వద్ద ప్రారంభమైంది. ఒక దశలో కనిష్ట స్థాయి 67.15కి కూడా క్షీణించింది. చివరికి 20 పైసల (0.30 శాతం) తగ్గుదలతో 67.12 వద్ద ముగిసింది. 

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top