ట్రాఫిక్ వాహనంలో ‘వై’ అదృశ్యం !
కడప అర్బన్ : కడప ట్రాఫిక్ పోలీస్ వాహనంపై ‘వైఎస్ఆర్ కడప ట్రాఫిక్ వాహనం’ స్టిక్కరింగ్ ఉండగా, ‘వై’ అక్షరం కన్పించకుండా పోయింది. ప్రజా సంకల్పయాత్రను దిగ్విజయంగా ముగించుకుని వైఎస్ఆర్సీపీ అధ్యక్షుడు వైఎస్ జగన్ మోహన్రెడ్డి శుక్రవారం సాయంత్రం కడపకు చేరుకున్నారు. ఆ సమయంలో ఆయన కాన్వాయ్కి బందోబస్తు విధులు నిర్వహిస్తున్న కడప ట్రాఫిక్ పోలీసుల వాహనానికి వెనుకవైపున ‘వైఎస్ఆర్ కడప ట్రాఫిక్ పోలీస్ స్టేషన్’ అని ఉండాల్సింది, ‘వై’ అనే అక్షరం కనిపించకుండా పోయింది. ఎవరైనా ఆకతాయిలు ఈ పని చేశారా.. లేక ఓర్వలేనితనంతో చేసి ఉంటారా? అని ర్యాలీలో పాల్గొన్న అభిమానులు, ప్రజలు చర్చించుకోవడం కనిపించింది.