లేనట్లే..!
కడప అర్బన్ :
నేడు గాంధీ జయంతి.. అలాగే ఖైదీల సంక్షేమ దినోత్సవం కూడా.. కేంద్ర, రాష్ట్ర ప్రభుత్వాలు ప్రత్యేక జీవోలను విడుదల చేసి సత్ప్రర్తన కలిగిన ఖైదీలను విడుదల చేస్తుంటారు. 1969 నుంచి వేర్వేరు సందర్భాలను పురస్కరించుకుని 2013 వరకు 15 సార్లు జీవోలు విడుదలయ్యాయి. ఆయా జీవోల నిబంధనల మేరకు సత్ప్రవర్తన ఖైదీలను విడుదల చేశారు. ఈ ఏడాది ఆగష్టు 15న సత్ప్రవర్తన ఖైదీల విడుదలకు సంబంధించిన జీవో విడుదల కాకపోవడంతో నిరాశ చెందారు. గాంధీ జయంతి రోజైనా జీవో విడుదల చేస్తారా లేదా అనేది ఇప్పటికీ అనుమానంగానే ఉంది. గత ఏడాది పై రెండు సందర్భాలలో జీవో విడుదల చేయకపోవడం గమనార్హం. ఏడాది చివర్లో డిసెంబర్ 21న జీవో నెం.286ను విడుదల చేశారు.220 జీవో కింద మార్గదర్శకాలు విడుదల చేశారు. ఏడేళ్ల వాస్తవ శిక్ష, మూడేళ్ల రెమిషన్తో 27 మందిని, మహిళ ఒకరు, ఒక వృద్ధుడిని ఐదేళ్ల వాస్తవ శిక్ష, రెండేళ్ల రెమిషన్ శిక్ష నిబంధనలతో విడుదల చేశారు.
సత్ప్రవర్తన ఖైదీలంటే....
రాష్ట్రంలోని కేంద్ర కారాగారాల్లో ఐదేళ్ల నుంచి జీవిత ఖైదు అనుభవిస్తున్న వారిలో తమ శిక్షా కాలంలో సత్ప్రవర్తన కలిగివుండాలి. దైనందిన కార్యక్రమాల్లో క్రమశిక్షణ కలిగి ఎవరితోనూ గొడవ పెట్టుకోకుండా తన కార్యక్రమాల్లో నిమగ్నమై ఉండాలి. జైలు అధికారుల దృష్టిలో శిక్షా కాలాన్ని తగ్గించే విధంగా వారు వేసే మార్కులకు అర్హులై ఉండాలి. జీఓలు విడుదలైన సమయాల్లో ఐదేళ్లకు పైగా శిక్ష అనుభవించే వారు ఆయా జీఓల నిబంధనలకు అనుగుణంగా ఉండాలి. కడప కేంద్ర కారాగారంలో ఐదేళ్లకు పైబడి ఇంకా ఎక్కువ శిక్ష అనుభవిస్తూ సత్ప్రవర్తన ఖైదీలుగా గుర్తించిన వారు 75 నుంచి 100 మంది దాకా ఉన్నారు. వీరిలో కొందరు గత ఏడాది జీఓకు అర్హులైనప్పటికీ వారి నేరాల కారణంగా విడుదలకు నోచుకోలేదు. ఈసారైనా సత్ప్రవర్తన జీఓ విడుదల సమయంలో తమకు న్యాయం చేకూరుస్తారని ఆశగా ఎదురుచూస్తున్నారు.
1969 నుంచి ఇప్పటి వరకు విడుదలైన సత్ప్రవర్తన జీఓలు
జీఓ తేది సందర్భం నిబంధన
1321 25.09.1969 100వ గాంధీ జయంతి ఐదేళ్ల శిక్ష పూర్తి
1040 04.08.1972 25వ ఇండిపెండెన్స్ డే ఐదేళ్ల శిక్ష పూర్తి
1137 21.08.1972 ప్రకాశం పంతులు జయంతి ఐదేళ్ల శిక్షపూర్తి
413 03.04.1975 తొలితెలుగు ప్రపంచ
మహాసభలు ఐదేళ్ల శిక్షపూర్తి
357 20.10.1980 రాష్ట్ర అవతరణ దినోత్సవం రెమిషన్తో ఐదేళ్ల శిక్ష పూర్తి
21 20.10.1983 సీఎంగా ఎన్టీఆర్
ప్రమాణస్వీకారం ఐదేళ్ల శిక్షపూర్తి
580 20.10.1984 ఏపీ ప్రజాస్వామ్య
హక్కుల పరిరక్షణ ఐదేళ్ల శిక్షపూర్తి
4 17.01.1995 సంక్రాంతి పండుగ 7+3= 10 ఏళ్ల శిక్ష పూర్తి
196 08.07.1995 హైకోర్టు తీర్పు 7+3=10 ఏళ్ల శిక్ష పూర్తి
193 11.08.1997 50వ స్వాతంత్య్ర
స్వర్ణోత్సవాలు పదేళ్ల శిక్ష పూర్తి
18 25.01.2000 50వ గణతంత్ర దినోత్సవం పదేళ్ల శిక్షపూర్తి
196 13.08.2004 స్వాతంత్య్ర దినోత్సవం పదేళ్ల శిక్షపూర్తి
415 01.10.2009 గాంధీ జయంతి పదేళ్ల శిక్షపూర్తి
28 25.01.2011 రిపబ్లిక్ డే పదేళ్ల శిక్ష పూర్తి
286 21.12.2012 ఆంధ్రరాష్ట్ర అవతరణ
దినోత్సవం పదేళ్ల శిక్షపూర్తి
జీఓ ఇంకా రాలేదు.. :
కేంద్ర కారాగారంలో శిక్ష అనుభవిస్తున్న ఖైదీలలో సత్ప్రవర్తన కలిగిన ఖైదీల విడుదలకు సంబంధించి జీఓ ఇంకా విడుదల కాలేదు. గత ఏడాది 29 మందిని విడుదల చేశాం. జీఓ విడుదలైన తర్వాత మార్గదర్శకాలను దృష్టిలో పెట్టుకుని మరలా ప్రతిపాదనలు పంపిస్తాం.
- గోవిందరాజులు, కేంద్ర కారాగార సూపరింటెండెంట్, కడప.