విధి ఆడిన ఆటలో ఓడిన రైతు కుటుంబం

Father And Son Died Over A Period of Three Months In Srikakulam - Sakshi

మూడు నెలల వ్యవధిలో తండ్రీ, కొడుకుల మృతి

కంబరవలసలో విషాదఛాయలు

సాక్షి, వీరఘట్టం (శ్రీకాకుళం): తమ్ముడి పెళ్లిని అంగరంగ వైభవంగా జరిపించేందుకు, తల్లిదండ్రులకు చేదోడువాదోడుగా ఉండేందుకు వలస వెళ్లి వచ్చిన ఆ ఇంటి పెద్ద కొడుకును మూడు నెలల క్రిందట సొంత పొలంలో విద్యుత్‌ షాక్‌ రూపంలో మృత్యువు కాటేసింది. ఆ విషాదం మరువక ముందే ఆ ఇంటి పెద్ద దిక్కుగా ఉన్న తండ్రి త్రినాథ(71) పొలంలో పని చేస్తూ మంగళవారం గుండెపోటుతో మృతి చెందాడు. ఈ ఘటన వీరఘట్టం మండలం కంబరవలసలో విషాదం నింపింది.

మూడు నెలల కిందట కొడుకు...
వీరఘట్టం మండలం నడుకూరు పంచాయతీ కంబరవలస గ్రామానికి చెందిన గొడబ శ్రీనువాసరావు (40) తండ్రితో కలిసి ఈ ఏడాది మే 4న అరటితోటకు నీరు కట్టేందుకు పొలానికి వెళ్లాడు. విద్యుత్‌ స్తంభానికి బిగించిన ప్యానల్‌ బోర్డు వద్ద స్విచ్‌ ఆన్‌ చేసి మోటారు వేశాడు. నీటిని పొలంలోకి మళ్లించేందుకు గట్టుకి ఆనుకొని ఉన్న విద్యుత్‌ స్తంభం స్టేవైర్‌ (సపోర్టింగ్‌ వైర్‌)ను పట్టుకొని గట్టు దిగేందుకు ప్రయత్నించాడు. అప్పటికే వైర్‌ గుండా విద్యుత్‌ ప్రవాహం జరుగుతుండగా శ్రీనివాసరావు అక్కడికక్కడే మృతి చెందాడు.

గుండె పోటుతో తండ్రి..
కొడుకును పోగొట్టుకున్న తండ్రి పొలం పనులు చేసుకుంటూ కాలం గడుపుతున్నాడు. ఖరీఫ్‌ పనులు జరుగుతుండడంతో మంగళవారం దమ్ములు చేస్తుండగా గుండెపోటు రావడంతో పొలంలోనే కుప్పకూలిపోయి మృతి చెందాడు. తండ్రీకొడుకులిద్దరూ పొలంలోనే మృత్యువాతపడటంతో కుటుంబ సభ్యులు, బంధువులు కన్నీరుమున్నీరుగా విలపిస్తున్నారు. త్రినాథ మృతదేహానికి బుధవారం అంత్యక్రియలు జరిపించారు.

Read latest Andhra Pradesh News and Telugu News | Follow us on FaceBook, Twitter

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top