‘నువ్వే నా భగవద్గీత!’ : భైరవ గీత తొలి పాట

12 Sep, 2018 10:18 IST

సంచలన దర్శకుడు రామ్‌ గోపాల్‌ వర్మ సమర్పణలో తెరకెక్కుతున్న సినిమా భైరవ గీత. నిజ జీవిత సంఘటనల ఆధారంగా తెరకెక్కుతున్న ఈ ఫ్యాక్షన్‌ ప్రేమకథలో ధనుంజయ్‌, ఇర్రా మోర్‌లు హీరో హీరోయిన్లు నటించారు. వర్మశిష్యుడు సిద్ధార్థ్‌ తాతోలు దర్శకత్వంలో తెలుగు, కన్నడ భాషల్లో ఒకేసారి తెరకెక్కుతున్న ఈ సినిమా ప్రచార బాధ్యతలను వర్మ దగ్గరుండి చూసుకుంటున్నాడు.

ఇటీవల చిత్ర ట్రైలర్‌ను రిలీజ్‌ చేసిన యూనిట్ తాజాగా ‘నువ్వే నా భగవద్గీత..’ అంటూ సాగే పాటను రిలీజ్‌ చేశారు. రవిశంకర్‌ సంగీత సారధ్యంలో విజయ్‌ ఏసుదాసు, సాక్షి హోల్కర్ ఆలపించిన ఈ గీతానికి సిరాశ్రీ సాహిత్యమందించారు.  వర్మ మార్క్‌ ప్రొమోషన్‌తో భైరవ గీతపై ఇప్పటికే మంచి హైప్‌ క్రియేట్‌ అయ్యింది. అభిషేక్‌ నామా నిర్మాతగా వ్యవహరిస్తున్న ఈ సినిమాను అక్టోబర్‌లో రిలీజ్ చేసేందుకు ప్లాన్‌ చేస్తున్నారు.

Tags