చెల్లింపులుగా అమ్మాయిలు

మిర్పూర్ ఖాస్: తీసుకున్న అప్పు కింద దక్షిణ పాకిస్తాన్ లో అమ్మాయిలను చెల్లింపుగా తీసుకుంటున్నారు. గత కొన్నేళ్లుగా దక్షిణ పాకిస్తాన్ లో వేళ్లూకుపోయిన ఈ వ్యవస్ధ ఇప్పుడు తారాస్ధాయికి చేరింది. అప్పు తీసుకుని చెల్లించలేని కుటుంబాల్లోని ఆడపిల్లలను అప్పు ఇచ్చిన వారు బానిసలుగా చేసుకుంటున్నారు. మరికొన్ని సందర్భాల్లో తల్లిదండ్రులే అప్పులు తీర్చలేక అమ్మాయిలను బానిసలుగా పంపుతున్నారు. అప్పు కింద యువతులను తీసుకుంటున్న వారిలో కొందరు వచ్చే అమ్మాయిని రెండో భార్యగా చేసుకుంటుండగా, మరికొందరు డబ్బు కోసం వ్యభిచార రొంపిలోకి దింపుతున్నారు.