PODCAST
బొద్దుగా మారిన గాయని.. విమర్శలకు రీప్లై!
ప్రముఖ పాప్‌ సింగర్‌ రిహాన్నా ఈ మధ్య కాస్తా బొద్దుగా మారింది. ఒకప్పుడు సన్నగా మెరుపుతీగలాగా ఉండే ఈ అమ్మడు ఇప్పుడు కొద్దిగా లావుగా మారడంపై సోషల్‌ మీడియాలో జోకులు, విమర్శలు వస్తున్నాయి. ఆమెపై కొందరు 'బాడీ షేమింగ్‌' కామెంట్స్‌ పెట్టారు. ఈ కామెంట్స్‌పై రిహాన్నా తెలివిగా సమాధానం ఇచ్చింది. ఆమె అభిమాని ఒకరు 2015నాటి వీడియోను షేర్‌ చేసి.. ఈ విమర్శలను ప్రస్తావించగా.. ఈ పోస్టుకు రిహాన్నా బదులిస్తూ.. 'ఎవరైనా నన్ను బాగా లావుగా ఉన్నారా?' అంటూ విరగబడి నవ్వే ఎమోజీలను పోస్టు చేసింది.
రిహాన్నా తాజాగా 'వలేరియన్‌ అండ్‌ ద సిటీ ఆఫ్‌ ఏ థౌజండ్‌ ప్లానెట్స్‌' సినిమాలో నటించింది. ఈ సినిమా ప్రమోషన్‌లో భాగంగా మంగళవారం ప్యారిస్‌కు వచ్చిన ఈ అమ్మడు కాస్తా బొద్దుగా కనిపించడంతో ఆమె బరువు పెరిగిందంటూ సోషల్‌ మీడియాలో వ్యాఖ్యలు వెల్లువెత్తాయి. ప్రస్తుతం తన శరీరాకృతి పట్ల సంతృప్తిగా ఉన్నానని ఆమె తన సన్నిహితుల వద్ద తెలిపినట్టు హాలీవుడ్‌ మీడియా చెప్తోంది.
