బెలూన్లు ఎగరేసి.. అరెస్టయ్యారు

బెలూన్లు ఎగరేసి.. అరెస్టయ్యారు - Sakshi


బెలూన్లు ఎగరేయడం నేరమని ఎవరైనా అనుకుంటారా? కానీ.. ముంబై పోలీసులు అలాగే అనుకున్నారు. విమానాశ్రయ పరిధిలో అనుమానాస్పద వస్తువులను ఎగరేసినందుకు ముంబై పోలీసులు ఇద్దరు వ్యక్తులను అరెస్టు చేశారు. వజ్రాల ఎగుమతి కంపెనీ ఒకటి ఎయిరిండియా గ్రౌండులో ఓ క్రికెట్ టోర్నమెంటు నిర్వహించింది. అయితే ఆ కార్యక్రమ నిర్వాహకులు ముందుగా పోలీసు అనుమతి ఏమీ తీసుకోకుండా.. హాట్ ఎయిర్ బెలూన్లను ఎయిర్పోర్టు పరిసరాల్లో ఎగరేశారు. వాటిమీద తమ ప్రకటనను ముద్రించుకున్నారు.



దీంతో ఎయిర్పోర్టు పోలీసు స్టేషన్లో ఆ నిర్వాహకుల మీద కేసు నమోదైంది. ఇద్దరు నిందితులను అరెస్టు చేశారు. వారిని స్థానిక కోర్టులో హాజరుపరిచారు. జెట్ ఎయిర్వేస్, ఇండిగో పైలట్లు ఈ బెలూన్లను గమనించారు. ఎయిర్పోర్టు ఉద్యోగి ఒకరు వీటిని ఫొటో కూడా తీశారు. ఈ బెలూన్ల కారణంగా కొద్దిసేపు ఎయిర్ ట్రాఫిక్కు అంతరాయం కూడా కలిగింది.

Read latest Top News News and Telugu News | Follow us on FaceBook, Twitter, Telegram



 

Read also in:
Back to Top