Alexa
YSR
‘సంపద అట్టడుగు వర్గాలకు చేరితే వారి కొనుగోలు శక్తి పెరుగుతుంది’
మీరు ఇక్కడ ఉన్నారు: హోం వార్తలుకథ

మద్యంసీసాతో ఆ అమ్మాయి.. షాకింగ్ నిజం!

Others | Updated: October 10, 2016 17:30 (IST)
మద్యంసీసాతో ఆ అమ్మాయి.. షాకింగ్ నిజం!

ఇన్‌స్టాగ్రామ్‌లో లూయిస్‌ డీలెజ్‌ అనే అమ్మాయి ఖాతా ఇటీవలికాలంలో బాగా ఫేమస్‌ అయింది. పారిస్‌కు చెందిన ఈ అమ్మాయి అందరిలాగే విభిన్న ప్రాంతాలను సందర్శిస్తూ.. అక్కడ దిగిన ఫొటోలను ఇన్‌స్టాగ్రామ్‌లో పెట్టేది. కానీ, అన్నీ ఫొటోలను ఆమె చేతిలో కచ్చితంగా మద్యం సీసానో, పెగ్గు గ్లాసో కనిపించేది. టన్నులకొద్దీ హ్యాష్‌ట్యాగులు పెట్టి ఆమె పెట్టే ఈ ఫొటోలకు వేలకొద్దీ లైకులు దక్కేవి. ఈ అందమైన అమ్మాయి ఎందుకు నిత్యం మద్యం తాగుతూ.. సిగరెట్‌ కాలుస్తూ ఆ ఫొటోలను పెడుతుందని అనే అభిప్రాయాన్ని కొందరు నెటిజన్లు ఆందోళన కూడా వ్యక్తం చేసేవారు.

కానీ, ఈ ఇన్‌స్టాగ్రామ్‌ ఖాతాకు సంబంధించిన ఓ షాకింగ్‌ నిజాన్ని తాజాగా వెల్లడించారు. నిజానికి లూయిస్‌ డిలెజ్‌ అనే అమ్మాయి లేదు. కానీ ఆ పేరుతో ఓ కల్పిత ఖాతాను తెరిచి.. అందులో మద్యం తాగుతూ షికారు చేసే ఓ అందమైన అమ్మాయి ఫొటోలను నిత్యం పోస్టు చేస్తూ వచ్చారు. ఇది ఓ స్వచ్ఛంద సంస్థ చేపట్టిన కోవర్ట్‌ ప్రచారమిది. ప్రముఖ వాణిజ్య కంపెనీలు రహస్య ప్రచారాలతో తమ ఉత్పత్తులకు మంచి పేరుతో తెచ్చుకోవడానికి కోవర్ట్ అడ్వర్టైజింగ్‌ను చేపడతాయి. అదేవిధంగా యువతలో మద్యపానం అవలక్షణాల గురించి అవగాహన కల్పించేందుకు ‘అడిక్ట్ ఎయిడ్‌’ అనే స్వచ్ఛంద సంస్థ ఈ విధంగా కోవర్ట్‌ ప్రచారాన్ని నిర్వహించింది.

మద్యపానానికి బానిసలై యువత అర్ధంతరంగా ప్రాణాలు కోల్పోతున్న నేపథ్యంలో ఈ వ్యసనంపై ప్రచారం కల్పించేందుకు వినూత్నరీతిలో ఆ సంస్థ ప్రచారం చేపట్టింది. తమ ప్రచారం విజయవంతమైందని పేర్కొన్న ఆ సంస్థ.. తాజాగా ఇది కల్పితమైన ఖాతా అని అసలు రహస్యాన్ని వెల్లడిస్తూ ఓ వీడియోను లూయిస్‌ డిలెజ్‌ ఖాతాలో పెట్టింది. యువతలో అవగాహన పెంచేందుకు చేపట్టిన ఈ అసాధారణమైన కోవర్ట్‌ ఆపరేషన్‌పై నెటిజన్లు హర్షం వ్యక్తం చేస్తున్నారు.







 


వ్యాఖ్యలు

Advertisement

Advertisement

Advertisement

EPaper

భారత రాష్ట్రపతి కోవిందుడు

Sakshi Post

Despite Chandrababu’s Tall Claims, Polavaram Cannot Be Completed By 2018

Centre’s reply exposes TDP Government’s false propaganda

Advertisement

© Copyright Sakshi 2017. All rights reserved. | ABC