బైక్, ఆటో ఢీ : ఐదుగురికి గాయాలు

మహదేవ్‌పూర్ : కరీంనగర్ జిల్లా మహదేవ్‌పూర్ - కాళేశ్వరం రహదారిలో ఎడపల్లి స్టేజ్ వద్ద శనివారం మధ్యాహ్నం ఆటో, బైక్ ఢీకొన్న ఘటనలో ఐదుగురికి గాయాలు అయ్యాయి. కాళేశ్వరం వైపు వెళుతున్న ఆటో- ఎదురుగా వస్తున్న బైక్ ఢీకొన్నాయి. దీంతో ఆటోలో ప్రయాణిస్తున్న నలుగురికి గాయాలు కాగా, బైక్‌పై వస్తున్న కోటి చంద్రశేఖర్‌కు తీవ్ర గాయాలు అయ్యాయి. అతడిని చికిత్స నిమిత్తం వరంగల్ ఎంజీఎంకు తరలించారు. మిగిలిన వారికి మహదేవ్‌పూర్ ప్రభుత్వ ఆస్పత్రిలో చికిత్స అందించారు.