షావోమీ లవర్స్‌కు గుడ్‌ న్యూస్‌: స్పెషల్‌ సేల్‌

Updated: Aug 15, 2017, 13:39 IST | Created: Aug 15, 2017, 11:30 IST

చైనా స్మార్ట్‌ఫోన్‌ మేకర్‌ షావోమి దేశ 71వ స్వాతం‍త్ర దినోత్సవం సందర్భంగా ప్రత్యేక అమ్మకాలను ప్రారంభించింది. ముఖ్యంగా భారీ విక్రయాలతో టాప్‌ లో నిలిచిన షావోమి రెడ్‌ మి 4 విక్రయానికి అందుబాటులో ఉంచింది. అతి తక్కువ ధరలో అందుబాటులోకి తీసుకొచ్చిన రెడ్‌మి 4 మరోసారి ఆన్‌లైన్‌ ప్లాట్‌ఫాంలు అమెజాన్‌, ఎంఐ.కామ్‌లో లభ్యం కానుంది. మంగళవారం ఉదయం 10నుంచి ప్రారంభకానున్న ఇండిపెండెన్స్‌ సేల్‌లో రెడ్‌ మి 4 ఏ,ఎంఐ మాక్స్‌ 2 లను విక్రయిస్తోంది. ఆతరువాత మధ్యాహ్నం 12గం. లకు స్పెషల్‌ సేల్‌ నిర్వహించనుంది. దీంతోపాటు ప్రత్యేక ఆఫర్లను, క్యాష్‌ బ్యాక్‌ను అందిస్తోంది. దీని ధర రూ. 6,999 . రిలయన్స్ జియో కస్టమర్లకు అదనపు 4జీ డేటా, ఇతర ఆఫర్లను అందిస్తోంది.

బడ్జెట్‌ ధరలో అందుబాటులోకి తీసుకొచ్చిన రెడ్‌ మి 4 పేటిఎం ద్వారా కొనుగోలుపై 10శాతం క్యాష్‌ బ్యాక్‌ అందిస్తోంది. జియో కస్టమర్లకు అదనపు 4జీ డేటా అందిస్తోంది. అలాగే హంగామా ప్లే , మ్యూజిక్ (12 నెలలు మరియు 3 నెలలు), సబ్‌స్క్రిప‍్షన్‌, మొబీ క్విక్‌ క్యాష్‌బ్యాక్‌, కిండ్లే యాప్‌ లో ఈ బుక్‌ క్రెడిట్‌ లభించనుంది. 2 జీబీ/16 జీబీ స్టోరేజ్‌ ధర రూ. 6,999, 3 జీబీ/32జీబీ స్టోరేజ్‌ ధర రూ. 8,999, 4జీబీ/32 జీబీ స్టోరేజ్‌ ధరరూ .10,999 మూడు వేరియంట్లలో లభిస్తుంది.

5 అంగుళాల ఫుల్‌ హెచ్‌డీ డిస్‌ప్లే, 720x1280 పిక్సెల్‌ రిజల్యూషన్‌ 13 మెగా పిక్సెల్ రియర్‌ కెమెరా , 5 ఎంపీ సెల్ఫీ కెమెరా, 4100 ఎంఏహెచ్‌ బ్యాటరీ, ఫింగర్‌ ప్రింట్‌ సెన్సర్‌ తదితర మెయిన్‌ ఫీచర్స్‌ రెడ్‌ మి 4 స్మార్ట్‌ఫోన్‌ సొంతం.

Sale is live now! Get your favourite Mi products today including Redmi 4, Redmi 4A and Mi Max 2! A very Happy #IndependenceDayIndia pic.twitter.com/kOUuwNxFcI