Alexa
YSR
‘ఆర్థిక అసమానతలు తొలగకపోతే రాజకీయ స్వాతంత్య్రానికి అర్థం లేదు’
మీరు ఇక్కడ ఉన్నారు: హోం టెక్నాలజీకథ

అత్యంత ఖరీదైన నోకియా ఫోన్‌ వచ్చేస్తోంది

Others | Updated: July 17, 2017 16:33 (IST)
అత్యంత ఖరీదైన నోకియా ఫోన్‌ వచ్చేస్తోంది
నోకియా బ్రాండులో హెచ్‌ఎండీ గ్లోబల్‌ లాంచ్‌ చేస్తున్న అత్యంత ఖరీదైన ప్రీమియం స్మార్ట్‌ఫోన్‌ త్వరలో మార్కెట్లోకి వచ్చేస్తోంది. నోకియా 8 పేరుతో ఈ స్మార్ట్‌ఫోన్‌ను 40వేల రూపాయలకు హెచ్‌ఎండీ గ్లోబల్‌ ఈ నెల 31న గ్లోబల్‌గా లాంచ్‌ చేయబోతుందట. హెచ్‌ఎండీ కొత్తగా లాంచ్‌ చేయబోతున్న ఫ్లాగ్‌షిప్‌ డివైజ్‌ల గురించి ఇప్పటికే మార్కెట్లో పలు రూమర్లు చక్కర్లు కొడుతున్న సంగతి తెలిసిందే. నోకియా 8 లేదా నోకియా 9 ఫ్లాగ్‌షిప్‌ను కంపెనీ లాంచ్‌ చేస్తుందని పలు రిపోర్టులు పేర్కొంటున్నాయి. తాజాగా జర్మన్‌ వెబ్‌సైట్‌ విడుదల చేసిన రిపోర్టులో నో​కియా బ్రాండులో తర్వాత రాబోతున్న స్మార్ట్‌ఫోన్‌ నోకియా 8గా తెలిసింది.
 
ఈ డివైజ్‌ మోడల్‌ నెంబర్‌ టీఏ-1004గా జర్మన్‌ వెబ్‌సైట్‌ పేర్కొంది. అదనంగా ఈ ఫోన్‌ జూలై 31 నుంచి విక్రయానికి రానుందని కూడా చెప్పింది. ఇదే సమయంలో నోకియా 9 స్మార్ట్‌ఫోన్‌ గురించి ఊసైన ఎత్తలేదు. అదేవిధంగా నోకియా 8 ప్రీమియం స్మార్ట్‌ఫోన్‌ సెగ్మెంట్‌లో 40వేల రూపాయలుగా ఉండబోతుందని తెలిపింది. హెచ్‌ఎండీ గ్లోబల్‌ కూడా తమ తొలి హైఎండ్‌ ఫోన్‌ లాంచ్‌ చేయాలని నిర్ణయించిందని తెలిసింది. అది నోకియా 8గా మార్కెటింగ్‌ కూడా చేస్తుందట. 
 
నోకియా 8లో ఉండబోతుందన్న ఫీచర్లేమిటో ఓ సారి తెలుసుకుందాం...
స్నాప్‌ డ్రాగన్‌ 835 ప్రాసెసర్‌
4జీబీ ర్యామ్‌, 64జీబీ ఇంటర్నల్‌ స్టోరేజ్‌
డ్యూయల్‌ సిమ్‌ కార్డులు 
నాలుగు రంగులు(బ్లూ, స్టీల్‌, గోల్డ్‌/బ్లూ, గోల్డ్‌/కాపర్‌)
అంచనా ధర రూ.43,415
ఇటీవలే కంపెనీ ఎక్స్‌క్లూజివ్‌ పార్టనర్‌షిప్‌ జర్మన్‌ ఆప్టిక్స్‌ జీస్‌తో ఒప్పందం కుదుర్చుకుంది. దీంతో ఈ కొత్త స్మార్ట్‌ఫోన్‌లో ఫేమస్‌ జీస్‌ లెన్స్‌ ఉండబోతున్నాయి. 

వ్యాఖ్యలు

Advertisement

Advertisement

Advertisement

EPaper

అద్దె గర్భానికి అన్యాయం

Sakshi Post

MLA Vishnu Kumar appeals to SIT

MLA Vishnu Kumar appeals to SIT

Advertisement

© Copyright Sakshi 2017. All rights reserved. | ABC