ప్రభాస్ జన్మదిన వేడుకల్లో విషాదం
నిజామాబాద్: సాధారణంగా ఏ హీరో పుట్టినరోజు గానీ, కొత్త సినిమా గానీ వచ్చిందంటే ముందుగా సందడి చేసేది హీరో అభిమానులే. తమ హీరో పుట్టినరోజుంటే తమ పుట్టినరోజు కంటే ఎక్కువగా వేడుకులు జరుపుకుని ఆనందపడుతుంటారు అభిమానులు. అదే తరహాలో నిజామాబాద్ జిల్లాలో ఓ హీరో పుట్టినరోజు వేడుకల్లో విషాదం నెలకొంది. ఆదివారం (అక్టోబర్ 23న) బాహుబలి, రెబల్ స్టార్ ప్రభాస్ పుట్టినరోజు సందర్భంగా నిజామాబాద్లోని అభిమానులందరూ అతని జన్మదిన వేడుకులను ఘనంగా జరుపుకుంటున్నారు.
ఈ వేడుకల సందర్భంగా అభిమానుల్లో ఒకడైన ప్రశాంత్ (19) అనే యవకుడు తన అభిమాన హీరో ఫ్లెక్సీని కడుతుండగా ఆకస్మాత్తుగా విద్యుత్ వైర్లు తగలడంతో షాక్ తగిలింది. విద్యుత్ షాక్తో అభిమాని ప్రశాంత్ అక్కడిక్కడే మృతిచెందినట్టు సమాచారం. పూర్తి వివరాలు తెలియాల్సి ఉంది.