Alexa
YSR
‘స్వచ్ఛమైన రక్షిత జలాలను అందిస్తేనే గోండు, చెంచు, ఆదివాసి గిరిజనులు ఆరోగ్యంగా ఉంటారు.’
మీరు ఇక్కడ ఉన్నారు: హోం క్రీడలుకథ

గెలిపించిన ఆమ్లా, పెరీరా

Sakshi | Updated: September 14, 2017 00:40 (IST)
గెలిపించిన ఆమ్లా, పెరీరా

రెండో టి20లో వరల్డ్‌ ఎలెవన్‌ విజయం

లాహోర్‌: పాకిస్తాన్‌తో రెండో టి20 మ్యాచ్‌లో వరల్డ్‌ ఎలెవన్‌ విజయ లక్ష్యం 175... చివరి 4 ఓవర్లలో గెలిచేందుకు 51 పరుగులు చేయాలి. హషీం ఆమ్లా (55 బంతుల్లో 72 నాటౌట్‌; 5 ఫోర్లు, 2 సిక్సర్లు) బాగానే ఆడుతున్నా, జట్టు విజయంపై సందేహాలు ఉన్నాయి. అయితే ఈ దశలో తిసార పెరీరా (19 బంతుల్లో 47 నాటౌట్‌; 5 సిక్సర్లు) ఒక్కసారిగా చెలరేగిపోయాడు. సిక్సర్లతో విరుచుకుపడి చేయాల్సిన 51లో తానొక్కడే 43 పరుగులు చేసి ఒక బంతి మిగిలి ఉండగానే జట్టును గెలిపించాడు. 19.5 ఓవర్లలో 3 వికెట్లకు 175 పరుగులు చేసిన వరల్డ్‌ ఎలెవన్‌ 7 వికెట్ల తేడాతో ఘన విజయం సాధించింది.

ఫలితంగా మూడు మ్యాచ్‌ల సిరీస్‌ ప్రస్తుతం 1–1తో సమంగా నిలిచింది. అంతకుముందు టాస్‌ గెలిచి ముందుగా బ్యాటింగ్‌ ఎంచుకున్న పాకిస్తాన్‌ 20 ఓవర్లలో 6 వికెట్ల నష్టానికి 174 పరుగులు చేసింది. బాబర్‌ ఆజమ్‌ (38 బంతుల్లో 45; 5 ఫోర్లు), అహ్మద్‌ షహజాద్‌ (34 బంతుల్లో 43; 5 ఫోర్లు, 1 సిక్స్‌) రాణించగా... షోయబ్‌ మాలిక్‌ (23 బంతుల్లో 39; 1 ఫోర్, 3 సిక్సర్లు) దూకుడుగా ఆడాడు. వరల్డ్‌ ఎలెవన్‌ బౌలర్లలో పెరీరా, బద్రీ చెరో 2 వికెట్లు పడగొట్టారు. ఇరు జట్ల మధ్య చివరిదైన మూడో మ్యాచ్‌ శుక్రవారం జరుగుతుంది.

ఎప్పుడో ఆరున్నరేళ్ల క్రితమే క్రికెట్‌కు రిటైర్మెంట్‌ ప్రకటించిన ఇంగ్లండ్‌ మాజీ కెప్టెన్‌ పాల్‌ కాలింగ్‌వుడ్‌ ఈ సిరీస్‌ కారణంగా 41 ఏళ్ల వయసులో మళ్లీ అంతర్జాతీయ మ్యాచ్‌ బరిలోకి దిగగా... పాకిస్తాన్‌ తరఫున అంతర్జాతీయ టి20ల్లో అత్యధిక పరుగులు చేసిన ఆటగాడిగా షోయబ్‌ మాలిక్‌ నిలిచాడు.   

వ్యాఖ్యలు

Advertisement

Advertisement

Advertisement

EPaper

మన మెట్రో స్మార్ట్

Sakshi Post

Bigg Boss: Archana, Navdeep Were Cunning And Prince Was A Flirt: Deeksha Speaks Out 

Deeksha accused Archana of manipulating the game in the first week by discussing the Deeksha’s issue ...

Advertisement

© Copyright Sakshi 2017. All rights reserved. | ABC