టెస్టులకు డ్వెన్ బ్రావో గుడ్ బై

పోర్ట్ ఆఫ్ స్పెయిన్: వెస్టిండీస్ ఆల్ రౌండర్ డ్వెన్ బ్రావో టెస్టు క్రికెట్కు వీడ్కోలు పలికాడు. గత నాలుగేళ్లుగా బ్రావో టెస్టులు ఆడటం లేదు. అతని కెరీర్లో  40 టెస్టులు, 147 వన్డేలు ఆడాడు. టెస్టుల నుంచి వైదొలగి పరిమిత ఓవర్ల క్రికెట్లో కొనసాగనున్నట్టు ప్రకటించాడు. ఈ విషయం గురించి వెస్టిండీస్ క్రికెట్ బోర్డుతో చర్చించినట్టు వెల్లడించాడు. వెస్టిండీస్ క్రికెట్ బోర్డుతో మరో ఏడాది పాటు ఒప్పందం ఉంది. కాగా వన్డే ప్రపంచ కప్ జట్టుకు బ్రావో ఎంపిక కాలేదు.