బంగ్లాదేశ్‌పై దక్షిణాఫ్రికా ఘన విజయం

మిర్పూర్: బంగ్లాదేశ్ పర్యటనను దక్షిణాఫ్రికా ఘనంగా ఆరంభించింది. ఆదివారం ఇక్కడ ఏకపక్షంగా జరిగిన తొలి టి20 మ్యాచ్‌లో దక్షిణాఫ్రికా 52 పరుగుల తేడాతో బంగ్లాదేశ్‌ను చిత్తు చేసింది. ముందుగా బ్యాటింగ్‌కు దిగిన దక్షిణాఫ్రికా నిర్ణీత 20 ఓవర్లలో 4 వికెట్ల నష్టానికి 148 పరుగులు చేసింది. కెప్టెన్ డు ప్లెసిస్ (61 బంతుల్లో 79 నాటౌట్; 8 ఫోర్లు) అర్ధ సెంచరీతో చెలరేగాడు. బంగ్లాదేశ్ 18.5 ఓవర్లలో 96 పరుగులకే కుప్పకూలింది. డుమి ని, వీస్, రబడ తలా 2 వికెట్లు తీశారు. రెండో టి20 మ్యాచ్ మంగళవారం జరుగుతుంది.