నగల దుకాణంలో తలకు గన్‌ పెట్టి..

న్యూఢిల్లీ: ఉత్తరప్రదేశ్‌లోని ఓ నగల దుకాణంలో దోపిడిదొంగల అరాచకం సీసీటీవీ ఫొటేజీలో కనిపించింది. మంగళవారం అలాహాబాద్‌ పట్టణంలోని ఓ నగల దుకాణంలోకి  ప్రవేశించిన దొంగలు.. నగల వ్యాపారి తలకు గన్‌ పెట్టి బెదిరించి అందినకాడికి దోచుకెళ్లారు.



పక్కా ప్లాన్‌తో మొహానికి ముసుగులు ధరించిన ముగ్గురు దొంగలు నగల దుకాణంలోకి ప్రవేశించారు. అందులో ఓ వ్యక్తి వ్యాపారి తలకు గన్‌ పెట్టగా.. మిగతా ఇద్దరు బ్యాగుల్లో ఆభరణాలు నింపుకున్నారు. అనంతరం ముగ్గురూ అక్కడ నుంచి నిమిషాల్లో పారిపోయారు. వ్యాపారి ఫిర్యాదు మేరకు సీసీటీవీ ఫొటేజీ ఆధారంగా పోలీసులు దర్యాప్తు చేపడుతున్నారు.