మూడేళ్ల చిన్నారిపై లైంగిక దాడి
బెంగళూరు: బెంగళూరులో మరో దారుణం జరిగింది. మూడేళ్ల చిన్నారిపై లైంగిక దాడి చేసిన ఘటన ఆలస్యంగా వెలుగులోకి వచ్చింది. పాప బాధతో విలవిల్లాడుతోంటే అనుమానం వచ్చిన తల్లిదండ్రులు ఆరా తీశారు. చిన్నారిపై లైంగిక దాడి జరిగిన విషయాన్నికనుగొన్నారు. బెంగళూరుకు చెందిన ఇందిరానగర్ పాఠశాలలో ఈ దారుణం జరిగింది.
వెంటనే చిన్నారి తల్లిదండ్రులు స్థానిక పోలీస్ స్టేషన్లో ఫిర్యాదు చేసారు. కేసు నమోదు చేసిన పోలీసులు చిన్నారిని వైద్య పరీక్షల నిమిత్తం ఆసుపత్రికి తరలించారు. బాలలపై లైంగికదాడి నియంత్రణ చట్టం ( ప్రొటెక్షన్ ఆఫ్ చైల్డ్ ఎబ్యూజ్ అఫెన్స్స్ యాక్ట్) కింది నమోదు చేశామని, దర్యాప్తు చేస్తున్నామని పోలీసులు తెలిపారు. నిందితులను గుర్తించాల్సి వుందన్నారు.
అయితే ఈ ఆరోపణలను స్కూలు యాజమాన్యం తిరస్కరించింది. పాప కేవలం మూడుగంటలు మాత్రమే తరగతి గదిలో ఉందని, ఆ తర్వాత ఆమెను తండ్రి ఇంటికి తీసుకు వెళ్ళినట్టు చెబుతోంది. సీసీ టీవీని పరిశీలిస్తే ఈ విషయం తెలుస్తుందని స్కూలు సెక్రటరీ చెబుతున్నారు.