క్రూయల్ కోస్టార్!

క్రూయల్ కోస్టార్! - Sakshi


వర్కింగ్ ప్లేస్‌లో మహిళలపై వేధింపులు వింటూనే ఉన్నాం. హాలీవుడ్ కూడా ఇందుకు మినహాయింపేమీ కానట్టుంది! నటి కేట్ బ్లాంచెట్‌కు అలాంటి ఘటనే ఎదురైందట! అయితే మగవారి నుంచి కాదు... సహ నటితోనే ఇబ్బందులు పడిందట! సదరు నటి పేరైతే చెప్పలేదు గానీ... ఆమె ప్రవర్తించిన తీరు తనకు ఓ భయానక అనుభవాన్ని మిగిల్చిందని చెప్పిందీ నలభై ఐదేళ్ల అమ్మడు.  ‘కెరీర్ బిగినింగ్‌లో ఈ సంఘటన జరిగింది.



ఎందుకో తెలియదు... ఆమె సంతోషంగా లేదు. అలాంటి సమయాల్లో కొందరు ఇలా క్రూయల్‌గా ప్రవర్తిస్తారు. అది మినహాయిస్తే నా కెరీర్‌లో ఇబ్బంది పడిన సంఘటనలేవీ లేవు’ అంటూ చెప్పుకొచ్చింది కేట్. కేట్ ముగ్గురు బిడ్డల తల్లి. ఇద్దరు అబ్బాయిలు... డాషిల్, రోమన్. భర్త అండ్రూ అప్టన్‌తో కలసి ఓ ఆడ పిల్లని దత్తత తీసుకుని మురిపెంగా పెంచుకుంటోంది. 

Read latest News and Telugu News | Follow us on FaceBook, Twitter, Telegram



 

Read also in:
Back to Top