బాహుబలి @ రూ. 500 కోట్లు

బాహుబలి @ రూ. 500 కోట్లు


ఎస్ఎస్ రాజమౌళి దర్శకత్వంలో భారీ బడ్జెట్తో ప్రతిష్టాత్మకంగా నిర్మించి.. భారీ అంచనాల నడుమ విడుదలై.. రికార్డులను బద్దలు కొడుతున్న బాహుబలి చిత్రం.. మరో  చరిత్ర సృష్టించింది. బాక్సాఫీసు వద్ద కనకవర్షం కురిపిస్తున్న బాహుబలి నాలుగు వారాల్లోనే 500 కోట్ల రూపాయలకు పైగా వసూళ్లు సాధించింది.  



500 కోట్ల మార్క్ దాటిన తొలి దక్షిణాది చిత్రంగా బాహుబలి రికార్డు నెలకొల్పింది. ఇంతకుముందు అత్యధిక వసూళ్లు సాధించిన దక్షిణాది చిత్రాలకు అందనంత ఎత్తులో నిలిచింది. తమిళ సూపర్ స్టార్ రజనీకాంత్ నటించిన ఎంతిరన్ చిత్రం అత్యధికంగా 283 కోట్ల రూపాయలు రాబట్టింది. ఈ రికార్డును 9 రోజుల్లోపే బాహుబలి బ్రేక్ చేయడం విశేషం. తక్కువ సమయంలో 100, 200, 300 కోట్లు రూపాయలను వసూలు చేసిన భారతీయ చిత్రంగా బాహుబలి రికార్డులు కొల్లగొట్టిన సంగతి తెలిసిందే. అంతేగాక ప్రపంచంలోనే అతిపెద్ద సినిమా పోస్టర్తో బాహుబలి గిన్నిస్ బుక్ రికార్డు నెలకొల్పింది. ప్రభాస్, రానా, తమన్నా, అనుష్క శెట్టి, రమ్యకృష్ణ, సత్యరాజ్, నాజర్ తదితరులు నటించిన బాహుబలి దక్షిణాదిలో పాటు బాలీవుడ్, విదేశాల్లోనూ విజయవంతంగా ప్రదర్శితమవుతోంది.

Read latest News and Telugu News | Follow us on FaceBook, Twitter, Telegram



 

Read also in:
Back to Top