'హైదర్'కు అమితాబ్ ప్రశంస
ముంబై: షాహిద్ కపూర్ నటించిన 'హైదర్' సినిమాపై బాలీవుడ్ సూపర్ స్టార్ అమితాబ్ బచ్చన్ ప్రశంసలు కురిపించారు. ఇదో ప్రత్యేకమైన సినిమా అని కితాబిచ్చారు. షేక్స్పియర్ విషాదాంత నాటకం 'హామ్లెట్' ఆధారంగా విశాల్ భరద్వాజ్ 'హైదర్' చిత్రాన్ని తెరకెక్కించారు.
'హైదర్... స్పెషల్ సినిమా... ఇందులో నటులు అసామాన్య నటన ప్రదర్శించారు. నవలను సినిమాకు అనుగుణంగా చాలాబాగా రూపాంతరీకరించారు' అని అమితాబ్ ట్వీట్ చేశారు. 'హైదర్' లో షాహిద్ కపూర్ కు జోడీగా శ్రద్ధా కపూర్ నటించింది. టబు, ఇర్ఫాన్ ఖాన్, కేకే మీనన్ ఇతర ముఖ్యపాత్రలు పోషించారు. ఈ సినిమా అక్టోబర్ 2న ప్రేక్షకుల ముందుకు వస్తోంది.
T 1630 - Haider : a special film .. exceptional performances .. and such an intelligent adaptation .. !!
— Amitabh Bachchan (@SrBachchan) September 30, 2014