అక్క బాటలోనే చెల్లి అక్షర..

Updated: Jul 07, 2017, 19:31 IST | Created: Jul 07, 2017, 19:29 IST

చెన్నై: నటుడు కమల్‌హాసన్‌ రెండో వారసురాలు అక్షరహాసన్‌ కూడా హీరోయిన్‌ అవుతున్నారు. తన అక్క శ్రుతీహాసన్‌లా వృత్తిపరంగా కోరుకున్నది ఒకటి, జరిగింది మరోకటి. అక్క సింగర్‌ కావలనుకొని హీరోయిన్‌ అయితే చెల్లి అక్షర డైరెక్టర్‌ కావలనుకొని హీరోయిన్‌ కాబోతుంది. శ్రుతీహాసన్‌కు సంగీతంపై మక్కవతో సంగీత రంగంలో రాణించాలని ఆశ పడిందన్న విషయం తెలిసిందే. కేరీర్‌ తొలి రోజుల్లో పలు ప్రైవేట్‌ సంగీత ఆల్బమ్‌లు చేసింది ఈ అమ్మడు. ఇక తన తండ్రి కమలహాసన్‌ ఉన్నైపోల్‌ ఒరువన్‌ చిత్రంతో సంగీత దర్శకురాలిగాను సినీ రంగ ప్రవేశం చేసింది. అయితే అనూహ్యంగా హిందీ లక్‌ చిత్రంతో హీరోయిన్‌గా అవాతారమెత్తింది ఈ చైన్నై భామ. తెలుగు చిత్రం గబ్బర్‌సింగ్‌తోనే స్టార్‌డంను కూడా సంపాదించుకుంది.

ఇక అక్షరహాసన్‌ కెమెరా వెనుక కెప్టెన్‌ కావాలని ఆశించారు. అందుకు దర్శకుడు బాల్కీ వద్ద సహాయదర్శకురాలిగా పని చేశారు కూడా. అయితే యాదృశ్చికంగానే హిందీ చిత్రం షమితాబ్‌ చిత్రం ద్వారా నటిగా రంగప్రవేశం చేసింది ఈ పిల్లికల్ల సుందరీ. తాజాగా అజిత్‌ హీరోగా నటిస్తున్న వివేగం చిత్రంలో ముఖ్య పాత్రను పోషిస్తున్నారు. అయితే ఈ రెండు చిత్రాల్లోనూ అక్షరహాసన్‌ కథానాయకి కాదు. కాగా తాజాగా హీరోయిన్‌ అవకాశం ఈమెను వరించిందని సమాచారం. అయితే ఈ అవకాశం అక్షరకు శాండల్‌వుడ్‌లో రావడం విశేషం. కన్నడంలో ప్రముఖ నటుడు రవిచంద్రన్‌ వారసుడు విక్రమ్‌ చంద్రన్‌ కథానాయకుడిగా నటిస్తున్న చిత్రంలో అక్షరహాసన్‌ ఆయనకు జంటగా నటించనున్నారని సినీవర్గాల సమాచారం.