Alexa
YSR
‘ప్రజల జీవన ప్రమాణాలు ఇంకా మెరుగు పడాలి. అందుకు అధికారులు నిబద్ధత, పారదర్శకత, కార్యదీక్షతో పనిచేయాలి.’
మీరు ఇక్కడ ఉన్నారు: హోం హైదరాబాద్కథ

నగర రోడ్లు ఉన్నట్టుండి పడుతున్న గుంతలు

Sakshi | Updated: August 04, 2013 03:30 (IST)
నగర రోడ్లు ఉన్నట్టుండి పడుతున్న గుంతలు
హైదరాబాద్‌ : సాక్షి, సిటీబ్యూరో: బంజారాహిల్స్ రోడ్డునెంబర్ 1,
 జలగం వెంగ ళరావు పార్కు..
 పంజగుట్ట  మోడల్ హౌస్..
 నల్లకుంట ఫీవర్ ఆస్పత్రి..
 లోయర్ ట్యాంక్‌బండ్ గోశాల..

 
 నగరంలోని ప్రసిద్ధ ప్రదేశాలు కావివి. ప్రాణాల్ని ఎప్పుడెలా మింగేస్తాయో తెలియని ‘మృత్యుబిలాలు’ ఉన్న ప్రాంతాలివి. నగరంలో అక్కడా ఇక్కడా అని కాకుండా ప్రధాన రహదారులు.. కాలనీలని తే డా లేకుండా ఏ రోడ్డు ఎప్పుడు కుంగుతుందో తెలియని పరిస్థితి నెలకొంది. నడిరోడ్లపై ఉన్నట్టుండి పడుతున్న గుంతలు హడలగొడుతున్నాయి. ఏ రోడ్డు బలమెంతో.. ఏది ఎప్పుడు కుంగుతుందో ఇంజినీర్లకే అంతుబట్టడం లేదు. గత రెండేళ్లలోనే పైన పేర్కొన్న నాలుగు ప్రాంతాల్లో ప్రధాన రహదారులపైనే భారీ గొయ్యిలేర్పడ్డాయి. ఇక చిన్నా చితకా వాటికి లెక్కేలేదు. ఓవైపు భవనాలే కూలుతుంటే.. నడిచే దారి కూడా భద్రం కాదని ‘గుంతలు’ భయపెడుతున్నాయి.
శనివారం బంజారాహిల్స్ జలగం వెంగళ్రావు పార్కు వద్ద పడిన గుంత కొత్తది కాదు. గతేడాది ఆగస్టులో భారీ గుంతపడగా పూడ్చివేశారు. పనుల్లో నాణ్యత లోపించటంతో తిరిగి అక్కడే గుంత పడింది. పంజగుట్ట మోడల్ హౌస్ వద్ద సైతం గతేడాది ఫిబ్రవరిలో గొయ్యి పడగా, అధికారులు తూతూమంత్రంగా మరమ్మతులు చేశారు. కొద్ది నెలలకే మళ్లీ భారీ గొయ్యిపడి టాటాసుమో వాహనం అందులో కూరుకుపోయింది. నాలా ఆధునికీకరణ పనుల్లో భాగంగా అక్కడ గుంత ఏర్పడిందని, బాధ్యులపై చర్యలు తీసుకుంటామని అధికారులు ప్రకటించినా.. ఆ తర్వాత మరిచిపోయారు. వీటికంటే ముందు ఫీవర్ ఆస్పత్రి వద్ద భూమి కుంగింది. భూమి కింద పురాతన నాలా ఉందని అప్పటిక్కానీ అధికారులకు తెలియలేదు. అప్పట్లోనే నెక్లెస్‌రోడ్డులోనూ అలాంటి గొయ్యి ఏర్పడింది. ఇటీవలే లోయర్‌ట్యాంక్‌బండ్ గోశాల వద్ద పెద్దగొయ్యి ఏర్పడటం తెలిసిందే. పదేపదే ఇలాంటి ఘటనలు పునరావృతమవుతున్నా గట్టి చర్యలు కరువవుతున్నాయి.
 
 రోడ్ల కింద అగాధాలు..
 
 జీహెచ్‌ఎంసీ ఆదాయం పెంచుకునేందుకు చూపుతున్న శ్రద్ధ.. ప్రజలకు భద్రత కల్పించటంలో చూపటం లేదు. ఎన్ని ప్రమాదభరిత ఁదారురూ.లున్నాయో, వాటి కింద ఏయే ప్రాంతాల్లో ఎక్కడెన్ని గోతులున్నాయో, దెబ్బతిన్న పైప్‌లైన్లు ఎన్నున్నాయో తెలుసుకునే ప్రయత్నం చేయట్లేదు. ముందు ముప్పును గుర్తించి..నివారించాలనే ధ్యాస యంత్రాంగంలో లోపిస్తోంది. ఎన్ని నాలాలు అన్‌కవర్డ్ (రోడ్లు, బ్రిడ్జిలకింద)గా ఉన్నాయో అంచనాలు తప్ప సరైన లెక్కల్లేవు. ఏ రోడ్డుకింది నాలా ఎప్పుడు నిర్మించారో తెలియదు. వాటి జీవితకాలమెంతో తెలియదు. రహదారులు చెరువులైనప్పుడో, రోడ్లు కుంగినప్పుడో తప్ప నాలాల స్థితిగతులు, మరమ్మతుల గురించి పట్టించుకోవట్లేదు. ఏ నాలాకు ఎప్పుడు మరమ్మతులు చేశారో, ఎప్పుడు వురవ్ముతులు అవసరమో కచ్చితంగా చెప్పగలిగిన వ్యవస్థ జీహెచ్‌ఎంసీలో లేదు.
 
 30 నాలాలున్నా వివరాల్లేవు..
 
 గ్రేటర్‌లోని రోడ్ల కింద వివిధ ప్రాంతాల్లో 30 పెద్ద నా లాలున్నట్లు అంచనా. ఇవి 60 కి.మీ.ల మేర ఉన్నాయ నే అంచనా తప్ప కచ్చితంగా ఎక్కడున్నాయో తెలియ దు. గచ్చిబౌలి సమీపంలోని బల్కాపూర్ నాలా, అమీర్‌పేట సత్యం థియేటర్ సమీపంలోని నాలా, లింగంపల్లి నుంచి చందానగర్ వెళ్లే 9వ నెంబరు జాతీయు రహదారిపై నాలా,  బంజారాహిల్స్ రోడ్డునెంబరు 10లోని ఉదయునగర్, సింగాడికుంట ప్రాంతాల్లోని నాలాలపై రోడ్లు ప్రవూదకరంగా వూరారు. యుసుఫ్‌గూడ శ్రీకృష్ణానగర్, వెంకటగిరి ప్రాంతాల్లో నాలాలపై రోడ్లు భారీ వర్షాలొస్తే కొట్టుకుపోయేలా ఉన్నారు.
 
 శాపంగా మారిన సమన్వయ లేమి
 
 రహదారులు కుంగడానికి వాటికింద ఉండే పైపులైన్లు కారణమని జీహెచ్‌ఎంసీ అధికారులు చెబుతున్నారు. మా పొరపాటు లేదని, జీహెచ్‌ఎంసీ రహదారుల్ని సరిగ్గా వేయనందువల్లే ప్రమాదాలు జరుగుతున్నాయని వాటర్‌బోర్డు అంటోంది. వాస్తవానికి నగరంలో సివరేజీకి చాలినన్ని లైన్లు లేకపోవడంతో చాలావరకు సివరేజి కూడా వరదనీటికాలువల్లో కలుస్తోంది. వ్యాపార, వాణిజ్య సముదాయాల వారు తమ కాంప్లెక్స్‌ల నుంచి వెలువడే సివరేజీని నేరుగా వరదనీటి కాలువల్లో కలుపుతుండటంతో సమస్యలు ఎదురవుతున్నాయి. ఆర్‌అండ్‌బీ- నేషనల్‌హైవే  విభాగాల మధ్య కూడా సమన్వయం లేదు. గ్రేటర్లో ఆర్‌అండ్‌బీ పరిధిలో 21 మార్గాల్లో 194 కి.మీ. మేర, నేషనల్ హైవే పరిధిలో నాలుగు మార్గాల్లో 98 కి.మీ. మేరరోడ్లు ఉన్నాయి. ఇవికాక జీహెచ్‌ఎంసీకి చెందిన రోడ్లూ భారీగానే ఉన్నాయి. ఎక్కడ గుంతపడినా అందరూ జీహెచ్‌ఎంసీనే వేలెత్తి చూపుతున్నారు. మరోవైపు కేబుళ్లు, ఇతరత్రా అవసరాలకు రోడ్లు తవ్వుతున్నా.. వాటిని పూడ్చడంలో శ్రద్ధ చూపట్లేదు. దీనివల్ల కూడా తరచూ ప్రమాదాలు జరుగుతున్నాయి.
 


వ్యాఖ్యలు

Advertisement

Advertisement

Advertisement

EPaper

ఉగ్రభూతంపై సమరమే!

Sakshi Post

Situation Along China Border In Sikkim Reviewed After Incursion

This is the first time in ten years that there’s tension on Sikkim-China border

Advertisement

© Copyright Sakshi 2017. All rights reserved. | ABC